PM Modi | பிரதமர் நரேந்திர மோடியை இன்று சந்திக்கிறார் பிரட்டன் பிரதமர் போரிஸ் ஜான்சன்

இரண்டு நாள் சுற்று பயணமாக இந்தியா வந்துள்ள பிரட்டன் பிரதமர் போரிஸ் ஜான்சன் இன்று பிரதமர் நரேந்திர யை சந்தித்து பேசுகிறார்.

கொரோனா கட்டுப்பாடுகள் காரணமாக பிரட்டன் பிரதமர் போரிஸ் ஜான்சனின் இந்திய பயணம் இருமுறை ஒத்திவைக்கப்பட்டது.

கொரோனா கட்டுப்பாடுகள் தளர்த்தப்பட்ட பிறகு ஐரோப்பாவுக்கு வெளியே போரிஸ் ஜான்சன் மேற்கொள்ளும் முதல் வெளிநாட்டு பயணமாக அவரது இந்திய வருகை அமைந்துள்ளது.அந்த வகையில் குஜராத் மாநிலம் அகமதாபாத் விமான நிலையத்துக்கு வந்தடைந்த போரிஸ் ஜான்சனுக்கு பாரம்பரிய கலைநிகழ்ச்சிகளுடன் உற்சாக வரவேற்பு அளிக்கப்பட்டது.

இதைத் தொடர்ந்து, சபர்மதி ஆசிரமத்துக்கு சென்ற போரிஸ் ஜான்சன், அங்குள்ள மகாத்மா காந்தியின் உருவப்படத்துக்கு மாலை அணிவித்து மரியாதை செலுத்தினார்.

மகாத்மா காந்தியின் ஆசிரமத்துக்கு வருவது பெரும் பாக்கியம் என அங்கிருந்த பார்வையாளர் வருகை பதிவேட்டில் குறிப்பிட்டார். தொடர்ந்து அங்கிருந்த ராட்டையில் நூல் நூற்றார்

இதைத் தொடர்ந்து, மகாத்மா காந்தி எழுதிய Guide to London என்ற புத்தகமும், ராட்டையின் மாதிரி வடிவமும் போரிஸ் ஜான்சனுக்கு நினைவுப் பரிசாக வழங்கப்பட்டது.பின்னர், இந்திய தொழிலதிபர் கவுதம் அதானியை சந்தித்து பேசினார். ஆத்மநிர்பார் பாரத் திட்டத்தின் ஒரு பகுதியாக அதானி குழுமம் மற்றும் பிரிட்டன் நிறுவனங்கள் இணைந்து விண்வெளி மற்றும் பாதுகாப்பு தொழில்நுட்பங்களை மேம்படுத்து குறித்து இருவரும் ஆலோசனை நடத்தினர்.

இந்தியா தனது ஆயுதப் படைகளை நவீனப்படுத்த 2030 ஆம் ஆண்டுக்குள் 300 பில்லியன் டாலர் முதலீடு செய்ய உள்ள நிலையில், பாதுகாப்புத் துறையில் ஒத்துழைப்பது குறித்து அதானியும் ஜான்சனும் விவாதித்ததாகவும் கூறப்படுகிறது.

இங்கிலாந்து அரசாங்கத்தால் வழங்கப்படும் மிகவும் மதிப்புமிக்க சர்வதேச உதவித்தொகைகளில் ஒன்றான செவனிங் ஸ்காலர்ஷிப் மூலம் இளம் இந்தியர்களுக்கான கல்வி வசதி திட்டம் செயல்படுத்தப்படும் என அதானி அறிவித்துள்ளார்.

பின்னர், குஜராத் முதலமைச்சர் புபேந்திர பட்டேலுடன் ஹலால் சென்ற போரிஸ் ஜான்சன், பிரிட்டனின் JCB நிறுவனத்தில் ஆய்வு மேற்கொண்டார். வெள்ளிக்கிழமை டெல்லியில் பிரதமர் மோடியை சந்தித்து பேசும் ஜான்சன், இந்தியாவிலிருந்து சுமார் எட்டாயிரத்து 300 கோடி ரூபாய் முதலீட்டை ஈர்க்கும் வகையிலான, பல்வேறு ஒப்பந்தங்களில் கையெழுத்திடுகிறார்.

இதன் மூலம் தகவல் தொழில்நுட்பத்துறை மற்றும் மருத்துவம் உள்ளிட்ட துறைகளில், இங்கிலாந்தில் இருந்து இந்தியாவிற்கான இறக்குமதி அதிகரிக்கும் என கூறப்படுகிறது.