6 மாதங்களுக்கு பிறகு பொதுமக்களின் பார்வைக்காக திறக்கப்பட்டது தாஜ்மஹால்..

உலகப் புகழ்பெற்ற தாஜ் மகால், ஆறு மாதங்களுக்கு பிறகு பொதுமக்கள் பார்வைக்கு திறக்கப்பட்டுள்ளது.

கொரோனா பரவல் காரணமாக கடந்த மார்ச் 17-ஆம் தேதி தாஜ் மகால் மூடப்பட்டது.

இதனைதொடர்ந்து படிப்படியாக அறிவிக்கப்பட்ட ஊரடங்கு தளர்வுகள் காரணமாக, தாஜ் மகால் இன்று திறக்கப்பட்டுள்ளது.

கொரோனா முன்னெச்சரிக்கை நடவடிக்கையுடன் சுற்றுலாப் பயணிகள் அனுமதிக்கப்பட்டு வருகின்றனர். இந்த புகைப்படம் அமெரிக்க அதிபர் ட்ரம்ப் அவரது மனைவியுடன் கடந்த வருடம் தாஜ் மகால் வந்த போது எடுத்த படம்.

அனைவருக்கும் உடல் வெப்ப பரிசோதனை நடத்தப்படுகிறது. நாள் ஒன்றுக்கு 5,000 பேர் மட்டும் அனுமதிக்கப்படும் நிலையில், ஆன்லைன் மூலமாக மட்டுமே டிக்கெட்டுகள் விநியோகிக்கப்படுகின்றன.