அதிக நடைமேடை கொண்ட ரயில் நிலையங்கள்... முதல் இடம் எந்த நகரம் தெரியுமா?

இந்தியன் ரயில்வே, இந்தியாவின் மக்கள் தொகைக்கு ஏற்ற முதன்மையான போக்குவரத்தாகச் செயல்படுகிறது. மக்கள் குறைந்த தொகையில் வெகுதூரம் பயணம் செய்ய ரயில் வழியே பிரதானமாக இருக்கிறது. நாடு முழுவதும் சுமார் 7 ஆயிரம் ரயில் நிலையங்கள் உள்ளன. அதன் மூலம் ஒரு நாளுக்கு சுமார் 13 ஆயிரம் ரயில்கள் இயக்கப்படுகிறது.

ஒரு நாளுக்கு இத்தனை ரயில்களை இயக்க அதற்கான ரயில் பாதையும் நாடு முழுவதும் அமைக்கப்பட்டுள்ளது. முக்கிய ரயில் நிலையங்களில் ரயில்கள் வந்து நிறுப்பதற்காக நடைமேடை கள் அமைக்கப்படும். அதில் அதிக நடைமேடை  கொண்ட ரயில் நிலையங்கள் பற்றி இங்குத் தெரிந்துகொள்ளலாம்.

எப்போதும் விருவிருப்பாக இயங்கிக் கொண்டு இருக்கும் ரயில் நிலையங்களில் முதல் இடத்தை பிடித்திருப்பது ஹவுரா ரயில் நிலையம். கொல்கத்தாவில் உள்ள இந்த ரயில் நிலையத்தில் ஒரு நாளுக்கு ஆயிரக்கணக்கான மக்கள் வந்து செல்கின்றனர். நாடுகளின் பல்வேறு மூளைக்கு இங்கு இருந்து ரயில் இயக்கப்படுகிறது. இங்கு மட்டும் 23 ரயில் நடைமேடை அமைக்கப்பட்டுள்ளது. 26 ரயில் பாதைகள் இங்கு இருந்து மட்டும் இயக்கப்படுகிறது. அந்த அளவிற்கு ஒரு பெரிய ரயில் சேவை கட்டமைப்பை இந்த ரயில் நிலையம் பெற்றுள்ளது.

அதனைத்தொடர்ந்து, கொல்கத்தாவில் உள்ள மற்றொரு சீல்டா ரயில் நிலையம் இரண்டாம் இடம் பிடித்துள்ளது. இங்கு மொத்தம் 20 ரயில் நடைமேடை அமைக்கப்பட்டுள்ளது. தொடர்ந்து இயங்கும் இந்த பாதைகள் நாட்டின் அடுத்த மிகவும் பரபரப்பான ரயில் நிலையங்களில் ஒன்றாக இருக்கிறது.

இதனைத்தொடர்ந்து, நாட்டின் பொருளாதார தலைநகரமாக உள்ள மும்பையில் உள்ள சத்ரபதி சிவாஜி ரயில் நிலையம் மூன்றாம் இடத்தில் உள்ளது. இங்கு மொத்தம் 18 ரயில் நடைமேடைகள் அமைக்கப்பட்டுள்ளது. நான்காம் இடத்தில் 16 ரயில் நடைமேடைகளுடன் புதிய டெல்லி ரயில் நிலையமும், ஐந்தாம் இடத்தில் 15 ரயில் நடைமேடைகளுடன் சென்னை சென்டரல் ரயில் நிலையமும் உள்ளது.