பள்ளி மாணவிகளுக்கு இலவச செல்போன்!

பஞ்சாப் மாநிலத்தில் அரசு பள்ளி மாணவிகளுக்கு இலவச செல்போன் வழங்கும் திட்டத்திற்கு அம்மாநில அமைச்சரவை ஒப்புதல் அளித்துள்ளது.

பஞ்சாப் மாநிலத்தில் அம்ரீந்தர் சிங் தலைமையிலான காங்கிரஸ் கட்சி ஆட்சி செய்து வருகிறது. இந்த நிலையில், கடந்த சட்டசபை தேர்தலில் பள்ளி மாணவிகளுக்கு இலவச செல்போன் வழங்கப்படும் என அம்ரீந்தர் சிங் வாக்குறுதி அளித்தார்.

அதன்படி, அரசுப்பள்ளிகளில் பயிலும் 11 மற்றும் 12ஆம் மாணவிகளுக்கு இலவச செல்போன் வழங்க அரசு முடிவு செய்துள்ளது. முதற்கட்டமாக இத்திட்டம் டிசம்பர் மாதம் அமல்படுத்தப்படும் என்றும், ஏற்கனவே செல்போன் வைத்திருக்கும் மாணவிகளுக்கு வழங்கப்படாது என்றும் பஞ்சாப் அரசு தெரிவித்துள்ளது.