திருமணத்தில் நாதஸ்வரம் வாசித்த 2 வயது சிறுவன்.. புதுச்சேரி சுவாரஸ்யம்!

புதுச்சேரியில் நடைபெற்ற திருமணத்தில் 2 வயது சிறுவன் உற்சாகமாக நாதஸ்வரம் வாசித்த காட்சிகள் பலரையும் வெகுவாக கவர்ந்து வருகிறது.

புதுச்சேரி சங்க மித்ரா மண்டபத்தில் சிவகுமார் என்பவரின் திருமணம் நடைபெற்றது.அங்கு நாதஸ்வரம் நிகழ்ச்சி நடைபெற்றது.
திருமணத்தில் பங்கேற்ற புதுச்சேரியை சார்ந்த சபரீஷ் தேவியின் இரண்டு வயது மகன் துருவ் என்கிற குழந்தை நாதஸ்வரத்தை பார்த்த உடன் அருகில் சென்று வாசிக்க தொடங்கினான்.

குழந்தையின் உற்சாகத்தை பார்த்த நாதஸ்வர வித்வான் குழந்தையிடம் நாதஸ்வரத்தை கொடுத்துள்ளார். இதனை வாங்கிய துருவ் உற்சாகமாக நாதஸ்வரம் வாசித்தான். இதனை திருமணத்தில் பங்கேற்க வந்தவர்கள் உற்சாகமாக கண்டுகளித்தனர்.