புதிய நாடாளுமன்றக் கட்டிடம் கட்டும் பணிகளைப் பார்வையிட்ட பிரதமர் மோடி - புகைப்படங்கள்

மத்திய அரசின், மத்திய விஸ்தா திட்டத்தின் கீழ், தற்போதைய நாடாளுமன்ற கட்டிடத்துக்குப் பதிலாக புதிய நாடாளுமன்றக் கட்டிடம் கட்டுவதற்கு மத்திய அரசு முடிவெடுத்தது. புது டெல்லியின் லுட்யன்ஸ் பகுதியில் அமைக்க திட்டமிடப்பட்டுள்ள புதிய நாடாளுமன்றம், 64,500 சதுர மீட்டர் பரப்பளவில் அமையவுள்ளது.

இந்த கட்டடத்தை கட்டும் பணிக்கான ஒப்பந்தம் டாடா நிறுவனத்துக்கு அளிக்கப்பட்டுள்ளது. இது தற்போதைய நாடாளுமன்றக் கட்டடத்தைவிட 17 ஆயிரம் சதுர அடி பரப்பளவில் பெரியது. முக்கோண வடிவிலான புதிய பார்லிமென்ட் கட்டிடம், தற்போதுள்ள நாடாளுமன்ற கட்டடத்திற்கு அருகிலேயே கட்டமைக்கப்பட உள்ளது. 2022ம் ஆண்டிற்குள், அந்த புதிய நாடாளுமன்றம் கட்டிமுடிக்கப்பட்டுவிடும் என எதிர்பார்க்கப்படுகிறது.

971 கோடி ரூபாய் பட்ஜெட்டில் இந்தக் கட்டடம் கட்டப்படவுள்ளது. மத்திய அரசின் இந்தத் திட்டத்துக்கு காங்கிரஸ் உள்ளிட்ட எதிர்கட்சிகள் கடும் எதிர்ப்பு தெரிவித்தன. கடும் எதிர்ப்புகளை மீறி மத்திய அரசு இந்தத் திட்டத்தை தொடங்கியது.

விஸ்டா திட்டத்தின் கீழ் புதிய நாடாளுமன்றத்தில் மக்களவை, மாநிலங்களை உருவாக்கப்பட உள்ளன. மக்களவையில் 888 பேரும், மாநிலங்களவையில் 384 பேரும் அமரும் வகையில் கட்டப்பட உள்ளது. அதிலும் கூட்டுக் கூட்டத்தொடர் நடந்தால் 1,272 பேர் அமரும் வகையில் மிகவும் விஸ்தாரமாக அமைக்கப்பட உள்ளது.

இந்த புதிய நாடாளுமன்றக் கட்டடம் கட்டும் பணி கடந்த பிப்ரவரி மாதம் முதல் நடைபெற்றுவருகிறது. இந்தநிலையில், திடீரென்று இந்தக் கட்டடப்பணிகளை ஆய்வு செய்ய நேற்று இரவு பிரதமர் மோடி சென்றார். அங்கு ஒரு மணி நேரம் வரை இருந்து அனைத்துப் பணிகளையும் ஆய்வு செய்தார். கட்டிடம் கட்டும் இடத்தில் இருக்கும் மேற்பார்வையாளர்கள், அதிகாரிகளிடம் பணிகள் குறித்து பிரதமர் மோடி கேட்டறிந்தார்.

கட்டிடப் பணிகளின் தற்போதைய நிலை, எப்போது முடியும், நாள்தோறும் நடக்கும் பணி நிலவரம் ஆகியவை குறித்து பிரதமர் மோடியிடம் அதிகாரிகள் தெரிவித்தனர். அவர் கட்டடம் கட்டும் பணிகளை ஆய்வு செய்யும்போது எடுக்கப்பட்ட புகைப்படங்கள் வைரலாகிவருகின்றன.

புதிய நாடாளுமன்றக் கட்டிடம் கட்டுமிடத்தில் பிரதமர் மோடி

புதிய நாடாளுமன்றக் கட்டிடம் கட்டுமிடத்தில் பிரதமர் மோடி

புதிய நாடாளுமன்றக் கட்டிடம் கட்டுமிடத்தில் பிரதமர் மோடி

புதிய நாடாளுமன்றக் கட்டிடம் கட்டுமிடத்தில் பிரதமர் மோடி

புதிய நாடாளுமன்றக் கட்டிடம் கட்டுமிடத்தில் பிரதமர் மோடி

புதிய நாடாளுமன்றக் கட்டிடம் கட்டுமிடத்தில் பிரதமர் மோடி