புதிய நாடாளுமன்ற கட்டடத்தில் பிரதமர் மோடி தீடீர் ஆய்வு.. பிரம்மாண்ட கட்டுமானத்தின் புகைப்படங்கள் இதோ

டெல்லியில் புதிதாக கட்டப்பட்டுவரும் நாடாளுமன்ற கட்டடத்தை பிரதமர் நரேந்திர நேற்று பார்வையிட்டு ஆய்வு செய்தார்.

முன்னறிவிப்பு இன்றி திடீரென நேற்று ஆய்வுக்கு வந்த பிரதமர் மோடியுடன் மக்களவை சபாநாயகர் ஓம் பிர்லா உடன் இருந்தார். சுமார் ஒரு மணிநேரம் இந்த ஆய்வு நடைபெற்றது.

கட்டுமானப் பணியில் ஈடுபட்ட தொழிலாளர்களிடம் பேசி கலந்துரையாடிய பிரதமர் மோடி, அங்கு வரவுள்ள புதிய வசதிகள், அம்சங்கள் ஆகியவை குறித்து கேட்டறிந்தார்.

புதிய நாடாளுமன்ற கட்டுமானத்திற்கு 2020 டிசம்பர் மாதம் பிரதமர் மோடி அடிக்கல் நாட்டினார். சுமார் 2 ஆண்டுகளுக்கு மேலாக பணிகள் நடைபெற்று வருகிறது.

கிட்டத்தட்ட பணிகள் நிறைவடையும் தருவாயில் உள்ள நிலையில், இதன் திறப்பு விழா விரைவில் நடைபெறும் என எதிர்பார்க்கப்படுகிறது.

பிரமாண்டமாக தயாராகும் இந்த புதிய நாடாளுமன்ற கட்டட வளாகத்திற்குள் பிரதமர் இல்லம், அமைச்சரவை அலுவலகங்கள் உள்ளிட்டவை ஒருங்கிணைந்த முறையில் வடிவமைக்கப்பட்டு கட்டப்பட்டுள்ளன. மேலும், அனைத்து மாநிலங்கள், யூனியன் பிரதேசங்களின் முன்னணி பாரம்பரிய சின்னங்களும் நாடாளுமன்ற வாளாகத்திற்குள் இடம் பெறும் எனத் தெரிவிக்கப்பட்டுள்ளது.