உயிரியல் பூங்காவில் காண்டாமிருகம் தாக்குதல் - தொலைக்காட்சி ஒளிப்பதிவாளர் படுகாயம்

அசாமின் காசிரங்கா உயிரியல் பூங்கா அருகே காண்டாமிருகம் தாக்கியதில் தொலைக்காட்சி ஒளிப்பதிவாளர் படுகாயமடைந்து மருத்துவமனையில் அனுமதிக்கப்பட்டுள்ளார்.

காசிரங்கா உயிரியல் பூங்காவில் பெரும்பாலான பகுதிகளில் வெள்ளம் சூழ்ந்துள்ளது. இதனால் அங்குள்ள விலங்குகள் அருகிலுள்ள விலை நிலங்கள், கிராமங்களுக்குள் புகுந்து விடுகின்றன.

இது குறித்து செய்தி சேகரிக்க சென்ற அசாமின் உள்ளூர் தொலைக்காட்சியின் ஒளிப்பதிவாளரை ஒற்றை கொம்பு கொண்ட காண்டாமிருகம் தாக்கியது.

இதில் கை, கால்கள், உடலில் பலத்த காயமடைந்த ஒளிப்பதிவாளர் பாஸ்கர் ராஜ்கோவாவை உள்ளூர் மக்கள் மீட்டு மருத்துவமனையில் சேர்த்தனர்.