நடப்பாண்டில் பிரதமரின் முதல் வெளிநாட்டு சுற்றுப்பயணமாக ஐரோப்பாவில் உள்ள ஜெர்மனி, டென்மார்க், பிரான்ஸ் ஆகிய மூன்று நாடுகளுக்கு மூன்று நாள் பயணமாக நேற்று (மே 2) அதிகாலை டெல்லியிலிருந்து பிரதமர் புறப்பட்டு சென்றார்.
2/ 9
டெல்லியில் இருந்து ஜெர்மன் தலைநகர் பெர்லினுக்கு சென்றடைந்த பிரதமர் மோடி அந்நாட்டின் அதிபரை (Olaf Scholz) சந்தித்து பேசினார். இந்தியா - ஜெர்மனி இடையேயான பசுமை மற்றும் நீடித்த எரிசக்தி ஒத்துழைப்புக்கான ஒப்பந்தத்தில் நரேந்திர மோடியும், ஜெர்மனி பிரதமர் ஓலஃப் ஸ்கால்ஸும் கையெழுத்திட்டனர்.
3/ 9
ஜெர்மன் அதிபராக கடந்த டிசம்பர் 2021-ல் Olaf Scholz பதவியேற்றபின், பிரதமர் மோடியுடனான அவரின் முதல் சந்திப்பு இதுவாகும்.
4/ 9
இதனையடுத்து பெர்லினில் சுமார் 2,000 இந்தியர்கள் முன்னிலையில் பிரதமர் உரையாற்றினார். அப்போது அவருக்கு ஜெர்மனியில் வசித்து வரும் இந்தியர்கள் உற்சாக வரவேற்பு அளித்தனர். ‘வந்தே மாதரம்’, ‘பாரத் மாதா கி ஜெய்’ என கோஷங்கள் எழுப்பப்பட்டன.
5/ 9
இந்நிகழ்ச்சியில் பிரதமர் பேசுகையில், ரஷ்யா, உக்ரைன் இடையிலான போருக்கு அமைதிப்பேச்சுவார்த்தை ஒன்றே தீர்வு என்று கூறினார். மேலும் இந்த போரில் யாரும் வெல்லப்போவது கிடையாது அனைவருமே இழப்பை சந்திப்பார்கள் என்பதே எங்கள் கருத்து. இந்தியா அமைதியையே விரும்புகிறது.
6/ 9
இந்த விரும்பத்தகதாக நிகழ்வுகளால் கச்சா எண்ணெய் விலை கடுமையாக அதிகரித்துள்ளது. உரங்கள் மற்றும் உணவுப் பொருட்களுக்கு தட்டுப்பாடு ஏற்பட்டுள்ளது. உலகின் ஒவ்வொரு குடும்பமும் வலியை உணருகிறார்கள், இருப்பினும் ஏழை மக்கள் மற்றும் வளரும் நாடுகள் இதனால் கடுமையாக பாதிக்கப்படுகின்றனர்.
7/ 9
உக்ரைனுக்கு மனிதநேய அடிப்படையில் இந்தியா உதவுகிறது. மேலும் எங்களின் நட்பு நாடுகளுக்கும் உணவு, எண்ணெய் மற்றும் நிதி உதவி என வழங்கி வருகிறோம் என்றார் பிரதமர் மோடி.
8/ 9
ஜெர்மனி பயணத்தை முடித்துக்கொண்டு இன்று டென்மார்கின் கோபக்ஹேகனுக்கு சென்று அந்நாட்டு பிரதமரை சந்தித்து பேசும் பிரதமர் மோடி அதன் பின்னர் இந்திய - நர்டிக் உச்சி மாநாட்டில் பிரதமர் மோடி கலந்து கொள்கிறார்.
9/ 9
இதில் பல்வேறு நாட்டின் தலைவர்கள் கலந்து கொள்கின்றனர். இதனையடுத்து பிரான்ஸ் தலைநகர் பாரிஸ் செல்லும் பிரதமர் அந்நாட்டின் அதிபர் மெக்ரானை சந்தித்து பேசுகிறார். இதனையடுத்து நாளை அவர் மீண்டும் தாயகம் திரும்புகிறார்.
