தாண்டியா ஆட்டமும் ஆட.. தசரா கூட்டமும் கூட..! களைகட்டிய நவராத்திரி விழா - பிரபலங்கள் கொண்டாட்டம்!

நவராத்திரி விழாவை நாடு முழுவதும் மக்கள் மகிழ்ச்சியுடன் கொண்டாடி வருகின்றனர். அந்த வகையில், மும்பையிலும் ஆடல் பாடலுடன் நவராத்திரி விழா களைகட்டியது.கொரோனா பாதிப்பு காரணமாக கடந்த 2 ஆண்டுகளாக பொதுவெளியில் நவராத்திரி விழா கொண்டாடப்படாத நிலையில், இந்த ஆண்டு விழாக்கள் களைகட்டியுள்ளன.

மும்பையில் உள்ள மும்பா தேவி கோயில் அருகே நடைபெற்ற கலைநிகழ்ச்சியில் முதலமைச்சர் ஏக்நாத் ஷிண்டே உள்ளிடோர் பங்கேற்றனர்.

ஆயிரக்கணக்கான மக்கள் ஒன்று திரண்டு, பார்மபரிய உடை அணிந்து, தாண்டியா நடனமாடி விழாவை கொண்டாடினர்.

குஜராத் மாநிலம் வதோதராவில் ஏற்பாடு செய்யப்பட்ட பிரமாண்ட நவராத்தி விழாவில், லட்சக்கணக்கானோர் பங்கேற்று கர்பா நடனமாடினர்.

பேட்மிண்டன் வீராங்கனை பி.வி.சிந்து பங்கேற்று உற்சாகமாக நடனமாடினார்

ஒலிம்பிக்கில் பதக்கம் வென்ற பஜ்ரங் புனியாவும் பங்கேற்று நவராத்திரி விழாவை கொண்டாடி மகிழ்ந்தார்

வெளியுறவுத்துறை அமைச்சர் ஜெய்சங்கர் இந்த விழாவில் பங்கேற்று வழிபாடு நடத்தினார்.

நவராத்திரியில் விழாவுக்கு புகழ்பெற்ற கொல்கத்தாவில், 11 அடி உயரத்தில், ஆயிரம் கிலோ எடையுள்ள துர்கா சிலை செய்யப்பட்டுள்ளது. 35 லட்சம் ரூபாய் செலவில் உருவாக்கப்பட்ட இந்த சிலைகளை 25 கலைஞர்கள் இணைந்து வடிவமைத்துள்ளனர்.

பல்வேறு இடங்களில் இஸ்லாமிய சமூகத்தினர் துர்கா பூஜைக்கான ஏற்பாடுகள் செய்துள்ளனர்.

தங்கள் பகுதியில் வசிக்கும் மக்கள் நவராத்திரி விழா கொண்டாடுவதால், அவர்களுகாக இந்த ஏற்பாட்டை செய்ததாக இஸ்லாமியர்கள் தெரிவித்தனர்.