நடு இரவில் காலிங் பெல்.. பேய் பயத்தைக் காட்டிய நிர்வாண பெண்.. உத்தர பிரதேசத்தில் பகீர் சம்பவம்!

தினமும் இரவில் உங்கள் வீட்டுக் கதவின் அழைப்பு மணியை அடித்து விட்டு காணாமல் போனால், உங்களுக்கு எப்படி இருக்கும் என்று நினைத்து பார்க்க முடிகிறதா? அப்படி இரு சம்பவம் தான் உத்தர பிரதேச மாநிலத்தில் நடந்துள்ளது.

உத்தரபிரதேச மாநிலத்தில் ராம்பூர் நகரத்தில் தான் இப்படி ஒரு நிகழ்வு தினமும் நடந்து வந்தது. தினமும் யாரோ ஒருவர் இரவில் அனைவரது வீட்டு அழைப்பு மணியையும் அடித்து காணாமல் போவது தொடர்கதையானது. இது அந்த பகுதி மக்களிடையே பேய் அச்சத்தை உண்டாக்கியது,. இது குறித்த தகவல் வேகமாக பரவ தொடங்கியது.

சில நாட்களுக்கு பிறகு இது குறித்து ராம்பூர் நகர போலிசாருக்கு புகாரளிக்கப்பட்டது. இந்த புகாரையடுத்து காவல்துறை விசாரணையின் போதுதான் உண்மை என்னவென்றே தெரியவந்தது.

தினமும் இரவில் நிர்வானமான பெண் ஒருவர் அந்த இடத்தில் உள்ள அனைவரது வீடுகளிலும் அழைப்பு மணியை அடித்து அங்கிருந்து ஓடுகிறார். இந்த காட்சி அருகில் உள்ள சிசிடிவி கேமராவில் பதிவாகியுள்ளது.

இந்த பெண் குறித்து விசாரித்ததில் இவர் மனநலம் பாதிக்கப்பட்டவர் என்றும், இவர் கடந்த 5 வருடங்களாக பரேலி மாவட்டத்தில் இதற்காக சிகிச்சை பெற்று வருவதாகவும் விசாரணையில் தெரியவந்தது.

மேலும் காவல்துறை இதுகுறித்து தெரிவித்தபோது, இந்த பெண்ணின் குடும்பத்தினருடன் தாங்கள் தொடர்பில் இருப்பதாகவும் அந்த பெண்ணை கவனமாக பார்த்துக்கொள்ள சொல்லி இருப்பதாகவும் தெரிவித்தனர்.

தொடர்ந்து இது குறித்து சமூகவலைதளங்களில் தவறான செய்திகளை பதிவிட வேண்டாம் என்றும் யாரேனும் அந்த பெண்ணை அவ்வப்போது கண்டால், அந்த பெண்ணுக்கு ஆடைகளை அணிவித்து அருகில் உள்ள காவல்நிலையத்திற்கு தகவல் தெரிவிக்கவும் அறிவுறுத்தப்பட்டுள்ளது.