மகாராஷ்டிரா கட்டட விபத்து - 19 மணி நேரம் கழித்து உயிருடன் மீட்கப்பட்ட சிறுவன்

மகாராஷ்டிரா மாநிலம் ராய்காட் மாவட்டத்தில், ஐந்து மாடி கட்டடம் நேற்று  இடிந்து விழுந்தது.

இதனை அடுத்து அங்கு வந்த தீயணைப்பு மற்றும் பேரிடர் மீட்புக்குழுக்கள் இடிபாடுகளில் சிக்கியவர்களை மீட்கும் பணியை தீவிரமாக மேற்கொண்டு வருகின்றனர்.

விபத்து நடந்து 2-வது நாளான இன்று 7 பெண்கள் உள்பட 14 பேர் உயிரிழந்துள்ளதாக தகவல்கள் வெளியாகியுள்ளது.

உயிரிழந்தவர்களின் குடும்பங்களுக்கு தலா ஐந்து லட்ச ரூபாய் வழங்கப்படும் எனவும், காயமடைந்தவர்களுக்கு ஐம்பதாயிரம் ரூபாய் வழங்கப்படும் எனவும் அம்மாநில அமைச்சர் விஜய் வதேதிவார் தெரிவித்தார்.

ராய்கட் கட்டட விபத்தில் சிக்கிய 4 வயது சிறுவன், 19 மணி நேரம் கழித்து உயிருடன் மீட்கப்பட்டான். சிறுவன் உயிருடன் இருப்பதை கண்ட மீட்புக்குழுவினர், மகிழ்ச்சி அடைந்தனர்.