அயோத்தி ராமர் கோயிலுக்கு ஆகஸ்ட் 5-ஆம் தேதி அடிக்கல்: மூன்றரை ஆண்டுகளில் கட்டுமானத்தை முடிக்க திட்டம்...

அயோத்தியில் ராமர் கோயில் கட்டுவதற்கான அடிக்கல் நாட்டு விழா ஆகஸ்ட் 5-ஆம் தேதி நடைபெற உள்ளதாக தகவல் வெளியாகியுள்ளது.

இதற்காக அமைக்கப்பட்டுள்ள அறங்காவலர் குழுவின் கூட்டத்தில், பிரதமர் நரேந்திர மோடிக்கு அழைப்பு விடுப்பது என முடிவு செய்யப்பட்டுள்ளது. ஆகஸ்ட் 5-ஆம் தேதி பிரதமரால் பங்கேற்க முடியவில்லை என்றால் ஆகஸ்ட் 3-ஆம் தேதியே அடிக்கல் நாட்டு விழாவை நடத்த திட்டமிடப்பட்டுள்ளதாகவும் தெரிகிறது.

கோயில் உயரத்தை 128 அடியிலிருந்து 161 அடியாக உயர்த்தவும், மூன்று குவிமாடங்களுக்கு பதிலாக ஐந்து குவிமாடங்கள் அமைக்கவும் முடிவு செய்யப்பட்டுள்ளது.

கோயில் கட்டுவதற்கான வரைபடம் இறுதி செய்யப்பட்டதில் இருந்து மூன்றரை ஆண்டுகளுக்குள் கட்டுமான பணிகளை நிறைவு செய்யவும் திட்டமிடப்பட்டுள்ளது.