உணவு உண்ண இனி மாஸ்க்கை கழட்ட வேண்டாம்... வந்துவிட்டது ஜிப் போட்ட மாஸ்க் - அசத்தும் கொல்கத்தா உணவகம்

கொல்கத்தாவில் செயல்பட்டு வரும் உணவகம் ஒன்றில் வித்யாசமாக ஜிப் வைத்த மாஸ்க் வாடிக்கையாளர்களுக்கு வழங்கப்படுகின்றது.

உணவு உண்ணும் பொழுது மாஸ்க்கை கழட்ட வேண்டிய தேவை இருப்பதால் தனது வாடிக்கையாளர்களுக்கு ஜிப் அம்சத்துடன் கூடிய மாஸ்க்கை வழங்கியுள்ளனர்.

இதுகுறித்து உணவாக உரிமையாளர் சோமோஷ்ரீ ஏ.என்.ஐ செய்தி நிறுவனத்திற்கு தெரிவிக்கையில், ஜிப் அம்சத்துடன் வருவதால் மாஸ்க்கை அகற்ற வேண்டிய கட்டாயம் இருக்காது. வாடிக்கையாளர்கள் உணவை உண்ணும் போது ​​ஜிப்பை மட்டும் திறந்து கொள்ளலாம். மற்ற நேரங்களில் மூடிக் கொள்ளலாம். சாப்பிடும்போது கழற்றாமல் போட்டுக்கொண்டே இருக்கலாம் என கூறியுள்ளார்.

நாங்கள் கூடுதல் கட்டணம் இல்லாமல் வாடிக்கையாளர்களுக்கு இந்த மாஸ்குகளை வழங்குகிறோம். இருப்பினும், இது கட்டாயமில்லை. அவர்கள் விரும்பினால் அவர்கள் அதை அணியலாம் எனவும் கூறியுள்ளார்.