pod rooms: ஜப்பான் மாடல் அறைகள் மும்பையில்.. அசத்தும் இந்திய ரயில்வே!

அதிநவீன வசதிகளுடன் கூடிய பாட் மாடல் அறைகள் மும்பையில் உள்ள மும்பை சென்ட்ரல் ரயில் நிலையத்தில் அமைக்கப்பட்டுள்ளது. இதனை ரயில்வே இணை அமைச்சர் ராவ்சாஹேப் தான்வே காணொலி காட்சி வாயிலாக திறந்துவைத்தார்.

பாட் அறைகள் (Pod rooms) எனப்படும் சிறிய அறைகள் மாடல் ஜப்பானால் உருவாக்கப்பட்டவை. பெரிய பகட்டான அறைகளுக்கு பதிலாக ஒரு நபர் படுத்து உறங்குவதற்கு ஏற்க வடிவமைக்கப்பட்டிருக்கும் இந்த பாட் அறைகளில் அனைத்து வசதிகளும் இருக்கும் . இவை கேப்ஸ்யூல் ஓட்டல் (Capsule hotel) என்றும் அழைக்கப்படுகின்றன.

இது போன்ற ஒரு பாட் அறைகளை மும்பையில் உள்ள மும்பை சென்ட்ரல் ரயில் நிலையத்தில் இந்திய ரயில்வே ஏற்படுத்தியுள்ளது. இந்தியா ரயில்வேயால் அறிமுகப்படுத்தப்பட்டிருக்கும் முதல் பாட் அறைகள் இவை ஆகும்.

மத்திய ரயில்வே இணை அமைச்சர் ராவ்சாஹேப் தான்வே காணொலிக் காட்சி மூலமாக இந்த பாட் அறைகளை திறந்துவைத்தர்.  பயணிகள் 12 மற்றும் 24 மணிநேரங்களுக்கு முறையே ரூ. 999 மற்றும் ரூ.1,999 க்கு பாட் ஹோட்டலை முன்பதிவு செய்யலாம். தனிநபர் பாட் ரூம் கட்டணம் 12 மணிநேரத்திற்கு ₹ 1,249 ஆகவும், 24 மணிநேரத்திற்கு ₹ 2,499 ஆகவும் இருக்கும் என்று கூறப்படுகிறது.

மூன்று பிரிவுகளில் மொத்தம் 400 பாட் மாடல் அறைகள் இங்கு ஏற்படுத்தப்பட்டுள்ளது. 30 பாட் ஓய்வு அறைகள் கிளாசிக் வகையிலும், 10 தனியார், 7 பெண்களுக்கும், 1 மாற்றுத்திறனாளிகளுக்கும் ஒதுக்கப்பட்டுள்ளது.

ஒவ்வொரு பாட் அறையிலும் வைஃபை, ஏசி, ஏர்பியூரிஃபையர், டிவி செட், மொபைல் சார்ஜிங் பாயின்ட்கள், லாக்கர், ஸ்டடி லைட் மற்றும் பிற நவீன வசதிகள் இடம்பெற்றுள்ளன. Pod மாடல் ஓய்வு அறைகள் அடுத்த 9 ஆண்டுகளுக்கு M/S அர்பன் Pod Pvt Ltd  மூலம் நிர்வகிக்கப்படும் என்று தெரிவிக்கப்பட்டுள்ளது.