LKG, UKG வகுப்புகள் திறந்த நிலையில் இப்படி ஒரு உத்தரவா? மீறினால் ₹1000 அபராதம்

தமிழகத்தில் நீண்ட நாட்களுக்கு பின் LKG, UKG வகுப்புகள் இன்று திறந்த நிலையில் மத்திய அரசின் புதிய உத்தரவால் பெற்றோர்கள் சிரமத்தை எதிர்கொள்ள நேரிடலாம்.

தமிழகத்தில் 2020-ம் ஆண்டு மார்ச் மாத இறுதியில் பள்ளிகள் மூடப்பட்டன. அதன் பின்னர் உயர்வகுப்பு மாணவர்களுக்கு பள்ளிகள் திறக்கப்பட்டன. ஆனால் பிரிகேஜி., எல்.கே.ஜி., யு.கே.ஜி. மாணவர்களுக்கு வகுப்புகள் தொடங்காமல் இருந்தன.

இந்த நிலையில் மழலையர் பள்ளிகளை திறக்க வேண்டும் என்ற கோரிக்கையை ஏற்று முதல்வர் மு.க.ஸ்டாலின் இன்று (பிப்ரவரி 16) முதல் பள்ளிகளை திறக்க உத்தரவிட்டார். அதன் அடிப்படையில் தமிழகம் முழுவதும் நர்சரி பள்ளிகள் இன்று திறக்கப்பட்டன.

இந்நிலையில் நாடு முழுவதும் 4 வயதிற்குட்பட்ட குழந்தைகள் இரு சக்கர வாகனத்தில் செல்லும் போது கட்டாயம் ஹெல்மெட் அணிந்திருக்க வேண்டும் என மத்திய சாலை போக்குவரத்து அமைச்சகம் உத்தரவிட்டுள்ளது.

மேலும் குழந்தைகளுடன் செல்லும் போது 40 கீ.மீ வேகத்துக்குள் செல்ல வேண்டும் என்றும் விதிகளை மீறினால் ரூ.1000 அபராதம் அல்லது 3 மாதம் ஒட்டுனர் உரிமர் ரத்து செய்யப்படும் என்று அறிவித்துள்ளது.