நூறு ஆண்டுகளில் இல்லாத பெருமழை - வெள்ளம் ; மிதக்கும் ஹைதராபாத் நகரம்

வங்கக் கடலில் ஏற்பட்ட புயல் சின்னம் காரணமாக கடந்த 3 நாட்களில் ஹைதராபாத் நகரில் 191.8 சென்டி மீட்டர் அளவிற்கு மழை பெய்துள்ளது. கடந்த நூறு ஆண்டுகளில் இந்த அளவில் ஹைதராபாத்தில் மழை பெய்யவில்லை என்று அதிகாரிகள் கூறுகின்றனர்.

கடந்த 3 நாட்களாக பெய்த தொடர் கனமழை காரணமாக, நகரில் தாழ்வான பகுதியில் உள்ள குடியிருப்பு பகுதிகளை வெள்ளம் சூழ்ந்துள்ளது. அந்தப் பகுதிகளில் வசிக்கும் மக்கள் தங்களுடைய நித்திய தேவைகளை பூர்த்தி செய்து கொள்வதற்காக வீடுகளை விட்டு வெளியில் வர இயலாத நிலை தொடர்கிறது.

சாலைகளில் முறிந்து விழுந்த மரங்களை அகற்றும்பணிகள் நடைபெறுகின்றன

அலிநகர், நிர்மா காலனி ஆகிய குடியிருப்பு பகுதிகளை மழை வெள்ளம் சூழ்ந்துள்ளது. எனவே அங்கு உள்ள வீடுகளில் வசிக்கும் மக்கள் ஒருவருக்கு ஒருவர் உதவி செய்து தரை தளங்களில் குடியிருக்கும் மக்களை மேல் மாடிக்கு அழைத்துச் செல்லும் பணியில் ஈடுபட்டுள்ளனர்.

ஹைதராபாத் மற்றும் சுற்றுவட்டார பகுதியில் உள்ள ஏரிகள் அனைத்தும் நிரம்பி விட்ட நிலையில் சாலைகளில் வெள்ளநீர் ஆறுகள் போல ஆர்ப்பரித்து ஓடுகிறது. இதனால் சாலைகளில் சென்று கொண்டிருந்த வாகனங்கள், குடியிருப்பு பகுதியில் நிறுத்தி வைக்கப்பட்டிருந்த வாகனங்கள் ஆகியவற்றை மழை வெள்ளம் அடித்துச் சென்ற காட்சிகளை காணமுடிந்தது.

பல்வேறு பகுதிகளில் கடந்த இரண்டு நாட்களாக மின் வினியோகம் தடைபட்டு பொதுமக்கள் இருட்டில் அடைபட்டுக் கிடக்கின்றனர். பால், காய்கறி, பழங்கள், குழந்தைகளுக்கான உணவுகள் ஆகியவை போன்ற அத்தியாவசிய பொருட்களின் விநியோகம் ஹைதராபாத்தில் உள்ள பல்வேறு பகுதிகளில் முற்றிலுமாக தடைபட்டு விட்டது.

தெலங்கானா மாநில அரசு மாவட்ட ஆட்சியர்கள், உயரதிகாரிகள் ஆகியோர் 24 மணி நேரமும் முழு எச்சரிக்கையுடன் வேண்டும் என்று உத்தரவு பிறப்பித்துள்ளது.

Rescue Services personnel were called in to cut away the trees that fell across the road due to incessant rain. (Image: News18)

ஹைதராபாத் மகா நகரம் மொத்தமாக வெள்ளத்தால் சூழப்பட்டு உள்ளது. எனவே தாழ்வான பகுதிகள் மற்றும் வெள்ளம் சூழ்ந்துள்ள பகுதிகள் ஆகியவற்றில் வசிக்கும் பொதுமக்களை பாதுகாப்பான இடங்களுக்கு கொண்டு செல்வதில் பெரும் இடையூறுகள் ஏற்பட்டுள்ளன.

(Image: News18)

(Image: News18)

(Image: News18)

(Image: News18)

(Image: News18)

(Image: News18)

(Image: News18)

(Image: News18)

(Image: News18)

(Image: News18)

(Image: News18)