Farmers Protest | ஒன்று கூடி.. ஒரு மித்த குரலில்... ஓயாது போராடும் விவசாயிகள் - இணையத்தில் வைரலாகும் புகைப்படங்கள்

மூன்று வேளாண் சட்டங்களை எதிர்த்து லட்சக்கணக்கான விவசாயிகள் டெல்லி எல்லையிலும், மாநகருக்குள்ளும் பெருந்திரளாக நடத்தி வரும் போராட்டம் 12வது நாளை எட்டியுள்ளது.

மத்திய அரசு விவசாயிகளை சமாதானப்படுத்த 5 கட்ட பேச்சுவார்த்தைகளை நடத்தியது. இதில் உடன்பாடு எட்டப்படவில்லை.

இந்நிலையில் விவசாயிகளுக்கு ஆதரவாக நாளைய தினம் நாடு தழுவிய அளவில்  முழு அடைப்பு போராட்டத்துக்கும் அழைப்பு விடுக்கப்பட்டுள்ளது. விவசாயிகளுக்கு ஆதரவாக நாளை நாடு முழுக்க லாரிகள் இயங்காது என்றும் அறிவிக்கப்பட்டுள்ளது.

விவசாயிகளின் போராட்டத்துக்கு எதிர்க்கட்சிகள் ஆதரவு தெரிவித்துள்ளதால் மத்திய அரசுக்கு நெருக்கடி அதிகரித்துள்ளது.

இந்நிலையில் 6ம் கட்ட பேச்சுவார்த்தையில் விவசாயிகளின் கோரிக்கைகளை நிறைவேற்ற மத்திய அரசு பரிசீலித்து வருவதாக தகவல்கள் வெளியாகியுள்ளன.

எனினும் 3 வேளாண் சட்டங்களையும் திரும்பப்பெறும் வரை போராட்டம் தொடரும் என்றும் விவசாயிகள் உறுதியாக தெரிவித்துள்ளனர்..

இந்நிலையில் ஷிங்கு எல்லையில் போராடி வரும் விவசாயிகளை காண டெல்லி முதலமைச்சர் அர்விந்த் கெஜ்ரிவால் சென்றார். விவசாயிகளுக்கு தேவையான ஏற்பாடுகளை செய்துதர உள்ளதாகவும் கெஜ்ரிவால் உறுதியளித்துள்ளார்.

விவசாயிகள் போராட்டம் தொடர்பாக குடியரசுத் தலைவரை நேரில் சந்தித்து எதிர்க்கட்சிகள் நாளை மறுநாள் முறையிட உள்ளதாக இந்திய கம்யூனிஸ்ட் கட்சியின் தேசியச் செயலாளர் டி.ராஜா தெரிவித்துள்ளார்.

விவசாயிகளின் போராட்டத்துக்கு மீண்டும் தமது ஆதரவை தெரிவித்துள்ள ட்ரூடோ, விவசாயிகள் தொடர்பான பேச்சுவார்த்தை மகிழ்ச்சி அளிப்பதாக குறிப்பிட்டுள்ளார்.

இதற்கிடையே, இங்கிலாந்தை சேர்ந்த 36 எம்.பிக்கள் அந்நாட்டின் வெளியுறவு செயலாளருக்கு எழுதியுள்ள கடிதத்தில், விவசாயிகள் போராட்டம் குறித்து இந்தியாவுடன் ஆலோசிக்க வேண்டும் என கேட்டுக் கொண்டுள்ளனர்.

விவசாயிகள் போராட்டம் (புகைப்படம்)

விவசாயிகள் போராட்டம் (புகைப்படம்)

விவசாயிகள் போராட்டம் (புகைப்படம்)

விவசாயிகள் போராட்டம் (புகைப்படம்)

விவசாயிகள் போராட்டம் (புகைப்படம்)

விவசாயிகள் போராட்டம் (புகைப்படம்)

விவசாயிகள் போராட்டம் (புகைப்படம்)

விவசாயிகள் போராட்டம் (புகைப்படம்)