வண்ணமயமான பூக்கள் நிரம்பி மிளிரும் டெல்லியின் போகன்வில்லா சாலைகள்!

பனிக்காலம் முடிந்து வெயில் காலம் தொடங்குவதற்கு இடையில் வரும் வசந்தகாலம் உண்மையில் வண்ணங்கள் நிறைந்த காலம் என்றே சொல்ல வேண்டும். பணியால் உறைந்து கிடந்த செடிகள் எல்லாம் துளிர்விட்டு பூக்கள் விரும்பி குலுங்கும் நேரம் இது.

அமெரிக்கா, கனடா, ஐரோப்பிய நாடுகள், ஜப்பான் என்று எல்லா இடமும் வெள்ளை மற்றும் இளஞ்சிவப்பு நிறத்தில் செர்ரி மலர்கள் பூத்து ஊரை அலங்கரிக்கும். இந்த காலத்தை செர்ரி ப்லோஸ்ஸோம் காலம் என்று குறிப்பிடுவார்கள். ஜப்பானில் இது சாக்குறா என்ற திருவிழாவாக கொடாடப்படுகிறது. இந்தியாவில் காஷ்மீர் பகுதிகளில் கூட இதை பார்க்கலாம்.

அதே போன்ற அழகிய வண்ணமயமான பூக்கள் பூத்து குலுங்கும் சாலைகளையும் பூங்காக்களை இப்போது டெல்லியின் பல்வேறு பகுதிகளில் காணலாம். டெல்லியின் போகன்வில்லா நிரம்பிய சாலைகள், தெருக்கள், பூங்காக்கள் போன்றவற்றின் படங்கள் தான் இணையவாசிகள் கண்களை பறித்து வருகிறது.

நம் ஊரில் காகிதப்பூ என்று சொல்லும் செடியின் பெயர்தான் போகன்வில்லா(Bougainvillea). சிவப்பு, ரோஸ், ஆரஞ்சு, வெள்ளை, ஊதா என்று பலநிறங்களில் காணப்படும் இந்த மலர்கள் பிப்ரவரி , மார்ச், ஏப்ரல் மாதங்களில் பூத்து குலுங்கும். தென் அமெரிக்காவை பூர்வீகமாகக் கொண்ட இது மலட்டுத்தன்மை கொண்டதாக இருந்தாலும், பூக்கள் பார்ப்பதற்கு அழகாக இருக்கும்.

தலையில் சூட முடியாத, மனம் இல்லாத , எளிதில் காயத இந்த செடி அலங்காரத்திற்காக வீடுகள், அலுவலகங்கள் முன்னாலும் சாலை ஓரங்களிலும் வைக்கப்பட்டிருக்கும். வசந்த கால நேரத்தில் மட்டும் பூத்து குலுங்கும் இந்த செடி மற்ற நாட்களில் வெறும் இலைகளுடன் காணப்படும்.

இந்நிலையில் பல டெல்லிவாசிகள் மைக்ரோ-பிளாக்கிங் தளமான ட்விட்டரில் தங்கள் டெல்லி தெருவில் பூத்து குலுங்கும் போகன்வில்லா மலர்களையும் மரங்களையும் புகைப்படங்களையும் வீடியோக்களையும் பகிர்ந்து வருகின்றனர். வெளிநாடுகளில் காணப்படும் சாலைகளை போல டெல்லியின் தெருக்கள் மாறியுள்ளதை குறிப்பிடுகின்றனர்.

கொத்துக் கொத்தாக பூத்து குலுங்கும் இந்த மலர்கள் சாலையில் விழுந்து கனவு உலக காட்சி போல மாற்றும் தன்மை கொண்டது. டெல்லியில் இப்போது அதிகப்படியான போகன்வில்லா மரங்கள் நினைவு சின்னங்கள் அருகில் இருப்பதால் இப்போது பூத்து குலுங்கும் மலர்களோடு நினைவு சின்னங்களின் படங்களை எடுத்து போஸ்ட் செய்து அசத்தி வருகின்றனர்.

#Bougainvillea #Flowers #delhitrees #treesofdelhi #springflowers #springindelhi #delhispring என்று ட்விட்டர் பக்கத்தில் பல ஹேஷ்டேகுகள் ட்ரெண்டிங் ஆகி வருகிறது. ஒரு நபர் நபர், "டெல்லி வசந்த காலத்தில் பூக்கும் 92 வயதான போகேன்வில்லியா போன்சாய்" என்று ஒரு படத்தை கூட பதிவிட்டுள்ளார்.