சென்னையில் மெல்ல அதிகரிக்கும் கொரோனா பாதிப்பு

தமிழகத்தில் இன்று ஒரே நாளில் 5,017 பேருக்கு கொரோனா பாதிப்பு உறுதி செய்யப்பட்டுள்ளது. இன்று மட்டும் 71 பேர் உயிரிழந்துள்ளனர்.

தமிழகத்தில் இன்று மட்டும் 79,279 பேருக்கு கொரோனா பரிசோதனை மேற்கொள்ளப்பட்டுள்ளது. இதுவரையில், 76,34,561 பேருக்கு கொரோனா பரிசோதனை மேற்கொள்ளப்பட்டுள்ளது.

தமிழகத்தில் இன்று ஒரே நாளில் 5,017 பேருக்கு கொரோனா பாதிப்பு உறுதி செய்யப்பட்டுள்ளது. அதன்மூலம் கொரோனா பாதித்தவர்களின் எண்ணிக்கை 6,30,408 ஆக அதிகரித்துள்ளது.

கொரோனா பாதிப்பு குணமடைந்து இன்று மட்டும் 5,548 பேர் வீடு திரும்பியுள்ளனர். இதுவரையில், 5,75,212 பேர் வீடு திரும்பியுள்ளனர்.

இன்று மட்டும் கொரோனா பாதித்த 71 பேர் உயிரிழந்துள்ளனர். இதுவரையில், 9,917 பேர் உயிரிழந்துள்ளனர்.

இன்று மட்டும் சென்னையில் 1,306 பேருக்கும், கோயம்புத்தூரில் 434 பேருக்கும், சேலத்தில் 326 பேருக்கும் கொரோனா பாதிப்பு உறுதி செய்யப்பட்டுள்ளது.