இந்தியாவில் மீண்டும் அதிகரிக்கும் கொரோனா பாதிப்பு

இந்தியாவில் தினசரி கொரோனா பாதிப்பு கடந்த செவ்வாய்க்கிழமை 2 லட்சத்து 85 ஆயிரமாக இருந்த நிலையில், புதன்கிழமை இந்த பாதிப்பு எண்ணிக்கை 2லட்சத்து 86 ஆயிரத்து 384 ஆக உயர்ந்துள்ளது.

நாட்டிலேயே அதிகபட்சமாக கேரளாவில் கடந்த 24 மணி நேரத்தில் புதிதாக 49,771 பேர் கொரோனா தொற்றால் பாதிக்கப்பட்டுள்ளனர். அதற்கு அடுத்தபடியாக கர்நாடகத்தில் 48 ஆயிரமாகவும், மகாராஷ்டிராவில் 35 ஆயிரமாகவும் தொற்று பதிவாகியுள்ளது.

நாட்டில் மொத்த பாதிப்பு எண்ணிக்கை 4 கோடியே 3 லட்சத்து 71 ஆயிரத்து 500 ஆக பதிவாகியுள்ளது. கடந்த 24 மணி நேரத்தில் கொரோனாவுக்கு சிகிச்சை பெற்றுவந்த 573 பேர் சிகிச்சை பலனின்றி உயிரிழந்துள்ளனர்.

இதுவரை இந்தியாவில் கொரோனாவால் உயிரிழந்தோரின் எண்ணிக்கை 4லட்சத்து 91 ஆயிரத்து 700 ஆக உயர்ந்துள்ளது புதிதாக 3 லட்சத்து 6 ஆயிரத்து 357 பேர் கொரோனாவில் இருந்து மீண்டுள்ளனர். இதனால் பெருந்தொற்றுக்கு சிகிச்சை பெற்று வருவோரின் எண்ணிக்கை 22 லட்சத்து 2 ஆயிரமாக குறைந்துள்ளது. இதுவரை 163 கோடியே 84 லட்சம் டோஸ் தடுப்பூசிகள் செலுத்தப்பட்டுள்ளதாக அறிவிக்கப்பட்டுள்ளது.