’கேரள மக்களுக்கான அரசின் ஓணம் பரிசு இதுதான்...' முதல்வர் பினராயி விஜயன் அறிவிப்பு

கேரள மக்களுக்கு ஓணம் வாழ்த்துக்களை தெரிவித்துள்ள முதல்வர் பினராயி விஜயன், மாநிலத்தின் சமூக-பொருளாதார நிலையை உயர்த்துவதற்கான செயல் திட்டத்தின் ஒரு பகுதியாக அடுத்த 100 நாட்களில் , 100 திட்டங்கள் நிறைவடையும் எனத்தெரிவித்துள்ளார். கேரள மக்களுக்கான அரசின் ஓணம் பரிசு இதுதான் என்றும் அவர் கூறியுள்ளார்.

மலையாள மொழி பேசும் மக்களின் பண்டிகைகளில் முக்கியமான ஓணம் பண்டிகை இன்று கொண்டாடப்படுகிறது.

மலையாள மக்கள் தங்களது வீடுகளில் அத்தப்பூ கோலமிட்டு, வாழை மரங்களால் அலங்கரித்துள்ளனர்.

கேரளாவில் கடந்த ஆண்டு பெருவெள்ளம், நடப்பாண்டு கொரோனா பரவல் காரணமாக ஓணம் பண்டிகை சற்று களையிழந்து காணப்படுகிறது. இருப்பினும் ஆலையங்களில் சிறப்பு பூஜைகள் செய்ய ஏற்பாடு செய்யப்பட்டுள்ளது.