1224 இருக்கைகள், நூலகம், குழு அறைகள்...புதிய பாராளுமன்ற கட்டடத்தின் அசத்தல் படங்கள் இதோ!

நாடாளுமன்றக் கட்டிடம்  ஜனவரி இறுதிக்குள் திறக்கப்பட வாய்ப்புள்ள  நிலையில் , கடைசி நேர ஆயத்தப் பணிகள் நடைபெற்று வருகின்றன. இந்நிலையில்  புதிய கட்டிடத்தின் படங்களை  மத்திய அரசு  தற்போது வெளியிட்டுள்ளது.

புதிய பாராளுமன்ற கட்டிடம் மத்திய நகர்ப்புற வீட்டுவசதி மற்றும் மேம்பாட்டு அமைச்சகத்தால்  செயல்படுத்தப்படும் மத்திய விஸ்டா திட்டத்தின் ஒரு பகுதியாகும்.

புதிய நாடாளுமன்றக் கட்டடத்தை டாடா ப்ராஜெக்ட்ஸ் லிமிடெட் நிர்மாணித்து வருகிறது.  இந்தியாவின் ஜனநாயக பாரம்பரியத்தை பறைசாற்றும் வகையில் பிரமாண்டமான அரசியலமைப்பு மண்டபம், நாடாளுமன்ற உறுப்பினர்களுக்கான ஓய்வு அறை, ஒரு நூலகம், பல குழு அறைகள், உணவு சாப்பிடும் பகுதிகள் மற்றும் போதுமான வாகன நிறுத்துமிடம் ஆகியவை உள்ளது.

பிரதமர் நரேந்திர மோடி டிசம்பர் 2020 இல் புதிய பாராளுமன்ற கட்டிடத்திற்கு அடிக்கல் நாட்டினார். இந்த திட்டம் நவம்பர் 2022 க்குள் முடிக்கப்பட வேண்டும் என்று திட்டமிடப்பட்டது. தாமதத்தால் மாத இறுதியில் திறக்கப்பட இருக்கிறது.

புதிய லோக்சபா மண்டபம் ஏற்கனவே உள்ளதை விட மூன்று மடங்கு பெரியதாக இருக்கும்.  இது 888 இருக்கைகளைக் கொண்டிருக்கும் மற்றும் இது மயில் தீம் அடிப்படையிலானது

புதிய ராஜ்யசபா மண்டபம் தற்போதுள்ளதை விட பெரியதாக இருக்கும். இது 384 பேர் அமரக்கூடியது மற்றும் இது தாமரை தீம் அடிப்படையிலானது.

புதிய பாராளுமன்றத்திற்குள் அனைத்து நவீன வசதிகளுடன் கூடிய அதிநவீன அரசியலமைப்பு மண்டபம் அமைந்துள்ளது.

புதிய கட்டமைப்பும் தற்போதைய நாடாளுமன்றக் கட்டிடமும் ஒருங்கிணைந்த அலகாகச் செயல்பட இருக்கிறது.