பாஜகவின் மிகப்பெரிய பலம் - ரகசியத்தை உடைத்த பிரசாந்த் கிஷோர்

இந்தியாவின் அரசியல் சாணக்கியர் என்று புகழப்படுபவர் தேர்தல் வியூகங்களை அமைத்து தரும் ஐபேக் நிறுவனத்தை நடத்தி வரும் பிரசாந்த் கிஷோர். இவர் ஏற்கனவே தேசியக் கட்சிகளான பாஜக, காங்கிரஸ் மட்டுமல்லாது மாநிலக் கட்சிகளான திமுக, திரிணாமுல் காங்கிரஸ், ஒய்.எஸ்.ஆர் காங்கிரஸ் போன்ற பல கட்சிகளுக்கு தேர்தல் வியூகங்களை வகுத்துக் கொடுத்து அக்கட்சிகள் வெற்றி பெறுவதில் உறுதுணையாக இருந்திருக்கிறார்.

பிரசாந்த் கிஷோர் 2024 தேர்தலை முன்னிட்டு, காங்கிரஸ் கட்சியில் இணைவார் என பரபரப்பாக பேசப்பட்ட நிலையில், திடீரென மம்தாவின் திரிணாமுல் காங்கிரஸ் கட்சிக்காக தேர்தல் வியூகங்களை அமைத்துத் தரும் பணியில் ஈடுபட்டுள்ளார். மேலும் திரிணாமுல் காங்கிரஸை தேசிய அரசியலுக்கு நகர்த்தி 2024ல் மையப்படுத்தும் முயற்சிகளில் ஈடுபட்டுள்ளார்.

என்.டி.டி.வி தொலைக்காட்சிக்கு பிரசாந்த் கிஷோர் அளித்த பிரத்யேக பேட்டியில், எதிர்வரும் தேர்தல்களில் கட்சிகளின் வியூகங்கள் எப்படி அமைய வேண்டும் எனவும், பாஜக குறித்தும் மனம் திறந்து பேசியுள்ளார். பாஜகவின் பலம் என்ன என்ற ரகசியத்தையும் பிரசாந்த் கிஷோர் உடைத்துப் பேசியிருக்கிறார்.

பாஜகவின் பலம் என்ன?
பாஜக இந்துத்துவம், அதீத தேசியவாதம் மற்றும் பொது நலன் போன்ற பிரச்சனைகளை மேம்படுத்தும் ஒரு வலிமையான கூற்றை முன்வைத்துள்ளது, குறைந்தபட்சம் இவற்றில் இரண்டு விஷயங்களிலாவது போதிய கவனம் செலுத்தாத பட்சத்தில் எதிர்கட்சிகளுக்கு வாய்ப்பு மிகக் குறைவே.

பா.ஜ.க.வின் புகழ் இந்துத்துவா காரணமாக மட்டுமல்ல. இந்துத்துவாவும் மிக முக்கிய கோட்பாடுகளுள் ஒன்றாக உள்ளது. அதே நேரத்தில் தேசியவாதமும், மக்கள் நலனும் கவனம் செலுத்த வேண்டிய இரண்டு முக்கிய அம்சங்களாகும்.

குடும்பம் மற்றும் தனிநபர் நிலை வெளிப்பாடு, தேசியவாதம் மற்றும் இந்து மதம் இவை ஒன்றாக சேரும்போது, இது ஒரு வலிமையான கூற்றாக மாறுகிறது. மேற்கண்ட கூற்றுகளில் இரண்டையாவது சிறப்பாகச் செய்யும் திறன் எதிர்கட்சிகளிடம் இல்லையென்றால், பாஜகவுக்கு எதிரான வாய்ப்பு மிகக் குறைவு.

சட்டமன்ற தேர்தல்களில் பாஜகவின் செயல்பாடு குறைவாக இருப்பதற்கு தேசியவாதம் அங்கு எடுபடாததும் ஒரு முக்கிய காரணியாக உள்ளது. அதே நேரத்தில் தேசியவாதம் காரணமாக நாடாளுமன்ற தேர்தலில் எந்த இடர்பாடும் இல்லாமல் பாஜகவின் கை ஓங்குகிறது” இவ்வாறு பிரசாந்த் கிஷோர் தெரிவித்தார்.