போகி பண்டிகையை குடும்பத்தினருடன் கொண்டாடிய ரோஜா..!

ஆந்திர மாநில சுற்றுலாத்துறை அமைச்சர் ரோஜா இன்று நகரியில் உள்ள தன்னுடைய வீட்டில் குடும்பத்தினருடன் போகி கொண்டாடினார்.

அமைச்சர் ரோஜா நகரியில் உள்ள தன்னுடைய வீட்டின் முன் பழைய பொருட்கள், விறகு ஆகியவற்றை கொளுத்தி போகி கொண்டாடினார்.

அப்போது ஆந்திர மாநில பொதுமக்கள், கட்சி தொண்டர்கள், ஆதரவாளர்கள் ஆகியோருக்கு போகி மற்றும் சங்கராந்தி வாழ்த்துக்களை தெரிவித்தார்.

ஒவ்வொரு ஆண்டும் பொங்கல் பண்டிகை 4 நாள்கள் விமரிசையாக கொண்டாடப்படுகிறது. இந்தாண்டு பொங்கல் விழா ஜன.14ஆம் தேதி போகி பண்டிகையுடன் தொடங்கியது.

போகி என்றாலே பழைய குப்பைகளை தீயிட்டு கொழுத்துவதுதான் முதலில் நினைவுக்கு வரும். ஆனால் மழை தெய்வமான இந்திரனுக்கு வழிபாடு நடத்தும் பண்டிகையாகவும் போகி உள்ளது.

போகி பண்டிகை அன்று உபயோகமில்லா பழைய பொருள்களை தீயிலிட்டு எரிக்கின்றனர்.

பழைய பொருள்களை மட்டுமில்லாமல், எதிர்மறையான பழைய சிந்தனைகளையும் மாற்றி புதிய அத்தியாயத்திற்குள் நுழையும் வாய்ப்பாகவே போகி கொண்டாடப்படுகிறது.