கண்களை கட்டிக் கொண்டு 49 தேங்காய்கள் உடைப்பு; கின்னஸ் சாதனை படைத்த கராத்தே வீரர்கள்

ஆந்திர மாநிலம் நெல்லூரை சேர்ந்த கராத்தே வீரர், கண்களை கட்டிக் கொண்டு 49 தேங்காய்களை உடைத்து கின்னஸ் சாதனை படைத்துள்ளார்.

நெல்லூரைச் சேர்ந்த கராத்தே பயிற்சியாளர் பிரபாகர் ரெட்டி, அவரது மாணவர் ராகேஷ் ஆகியோர் கின்னஸ் சாதனை படைப்பதற்காக பல்வேறு முயற்சிகளை மேற்கொண்டனர்.

இந்நிலையில், தரையில் படுக்க வைக்கப்பட்டு ராகேஷை சுற்றி வைக்கப்பட்டிருந்த 49 தேங்காய்களை, கண்களைக் கட்டிக் கொண்டு மிக நேர்த்தியாக உடைத்தார் பிரபாகர் ரெட்டி.

இதன் மூலம் இருவரும் கின்னஸ் சாதனை படைத்துள்ளனர். இதற்காக கடந்த 6 மாதங்களாக பயிற்சி மேற்கொண்டதாக இருவரும் தெரிவித்துள்ளனர். உடைக்கப்பட்ட தேங்காய்கள் விலங்குகளுக்கு வழங்கப்பட்டன.