மலபார் 2022.. இந்தியா - அமெரிக்கா கடற்படை கூட்டுபயிற்சி.. போட்டோஸ்

ஜப்பான் கடல் பகுதியில் மலபார் 22 என்ற பெயரில்  நடைபெற்ற 26 வது பன்னாட்டு கடல்சார் பயிற்சியின் வீடியோ காட்சிகளை இந்திய கடற்படை வெளியிட்டுள்ளது.

1992 ம் ஆண்டு முதல் இந்திய - அமெரிக்க நாடுகளின் கடற்படை கூட்டுபயிற்சியானது மலபார் பயிற்சி என்ற பெயரில் நடத்தப்பட்டு  வருகின்றது. இதில் ஐப்பான் மற்றும் ஆஸ்திரேலியா நாடுகளும் பின்னர் இணைந்து கொண்டன.

இந்த கடற்படைகள் கூட்டு பயிற்சிகளானது தொடர்ந்து நடத்தப்பட்டு வருகின்றது. இந்நிலையில் 26 வது பன்னாட்டு கடல்சார் பயிற்சியானது ஜப்பான் யோகோசுகா கடற்பகுதியில் ஜந்து நாட்கள் நடைபெற்றது. இந்த பயிற்சி கடந்த 15 ம் தேதி நிறைவடைந்தது.

இந்திய கடற்படையின்  கப்பல்களான ஷிவாலிக் மற்றும் கமோர்டா ஆகியவை இந்த கூட்டு பயிற்சியில் பங்கேற்றன. யோகோசுகா கடற்பகுதியில்  நடத்தப்பட்ட இந்த பயிற்சியில் நேரடி ஆயுத துப்பாக்கிச் சூடு, வான் எதிர்ப்பு மற்றும் நீர்மூழ்கி எதிர்ப்பு போன்ற போர் பயிற்சிகள் மேற்கொள்ளப்பட்டது.

மேலும்  இந்த  நான்கு நாட்டின் கடற்படைகளும் ஒன்றோடொன்று செயல்படுவதை ஒருங்கிணைந்து போர் தந்திரயுக்திகளை பரிமாறிகொள்ளவும் இந்த பயிற்சியானது உதவியதாக இருப்பதாக இந்திய கடற்படை தெரிவித்துள்ளது.

நீண்ட தூர கடல் ரோந்து விமானம், ஹெலிகாப்டர்கள் மற்றும் இரண்டு நீர்மூழ்கிக் கப்பல்கள்  இப்பயிற்சியில் பங்கேற்றன. இந்த கடற்பயிற்சி வீடியோ காட்சிகளை இந்திய இராணுவம் வெளியிட்டுள்ளது.