அயல்நாட்டினர், NRI பிரிவில் 11 பேருக்கு பத்ம விருதுகள்!

ஜிபோட்டி அதிபர் இஸ்மாயிலுக்கு பத்ம விபூஷன் விருது அறிவிக்கப்பட்டுள்ளது. கடந்த 2015-ம் ஆண்டு யேமனில் போர் வெடித்தபோது சுமார் 4,500 இந்தியர்கள் உள்ளிட்ட பல்லாயிரம் வெளிநாட்டு மக்களைக் காப்பாற்ற  உதவியதற்காகஅதிபர் இஸ்மாயிலுக்கு இவ்விருது வழங்கப்பட உள்ளது. (Image- Twitter)

ஜெர்மனியை சேர்ந்த ஃப்ரெய்ட்ரிக் ஐரினா-வுக்கு பத்மஸ்ரீ விருது அறிவிக்கப்பட்டுள்ளது. சுதேவி மாதாஜி என மதுரா மக்களால் அன்போடு அழைக்கப்படும் ஐரினா, இருப்பிடம் இல்லாத, கைவிடப்பட்ட, நோய் வாய்ப்பட்ட பசுக்களுக்கு மதுராவில் தனி கோசாலை அமைத்துப் பாதுகாத்து வருகிறார். (Image: News18)

100 வயதான தாவோ போகோன் லின்ச்-க்கு பத்மஸ்ரீ விருது வழங்கப்பட்டுள்ளது. அமெரிக்க யோகா ஆசிரியர் ஆன இவர் கின்னஸ் சாதனையாளரும் கூட. இதுவரையில் 1,500 யோகா ஆசிரியர்களை உருவாக்கியுள்ளார். (Image- Twitter)

சிஸ்கோ நிறுவன தலைமை நிர்வாக அதிகாரி ஜான் சாம்பர்ஸ்-க்கு பத்ம பூஷண் விருது அறிவிக்கப்பட்டுள்ளது. தொழில்துறை பங்களிப்புக்காக இவருக்கு பத்ம பூஷண் விருது வழங்கப்பட்டுள்ளது. (Image- Twitter)

தென்னாப்பிரிக்காவின் முன்னாள் நிதி அமைச்சர் பிரவீண் கோர்தந்க்கு பத்ம பூஷண் விருது அறிவிக்கப்பட்டுள்ளது. மேன்மை பொருந்திய சேவை மனப்பான்மைக்காக அவருக்கு இவ்விருது வழங்கப்பட உள்ளது. (Image- Twitter)