கொல்லிமலையில் கடும் பனிப்பொழிவு.. வேற லெவல் கிளைமேட்டால் சுற்றுலா பயணிகள் ஹேப்பி..

மாவட்டம் கொல்லிமலையில் கடந்த ஒரு வாரமாக பனிப்பொழிவு அதிகரித்துள்ளது. தினமும் காலை 11 மணி வரையும் பனி மூட்டம் காணப்படுவதால் பொதுமக்களின் இயல்பு வாழ்க்கை பாதிப்படைந்துள்ளது.

காலை நேரங்களில் சாலைகளில் செல்லும் வாகனங்கள் முகப்பு விளக்கை எரியவிட்டு செல்லும் நிலையுள்ளது. பகலில் பனிப்பொழிவு அதிகரிப்பால் சாலைகளில் மக்கள் நடமாட்டமின்றி வெறிச்சோடி காணப்படுகிறது.

மேலும், சாலையோரக் கடைகளிலும், வர்த்தக நிறுவனங்களிலும் மக்கள் கூட்டமின்றி உள்ளது.

ஆனால் வெளியூர் மற்றும் பிற மாநிலங்களில் இருந்து வந்துள்ள சுற்றுலாப் பயணிகள் கொல்லிமலையில் நிலவும் பனிப்பொழிவு மற்றும் குளிர்ந்த சீதோஷ்ண நிலையால் மகிழ்ச்சி அடைந்துள்ளனர்.

மரங்கள் தெரியாத அளவிற்கு பனிப்பொழிந்துக்கொண்டிருக்கிறது.