அடேங்கப்பா..! ஒரே கல்லில் 108 ஆஞ்சநேயர் சிற்பங்களா..! ராசிபுரத்திலிருந்து தகுதியான கருங்கல்...!

மாவட்டம் திருப்பெயர் கிராமத்தில் அமைந்துள்ள பச்சைமலை தொடர்ச்சியில் மலைக்குன்று உள்ளது. இந்த மலையில் மூலிகைகள் நிறைந்துள்ள காரணத்தில் இந்த மலை திருமூலிகை மலை என்று அழைக்கின்றனர்.

இந்த குன்றின் மேல் சஞ்சீவிராயர் என்ற பெயரில் ஆஞ்சநேயர் கோயில் உள்ளது. மலையடிவாரத்தில் 18 அடி உயரத்தில் ஆஞ்சநேயர் சிலை ஒன்றை நிறுவ முடிவு செய்து கிராம மக்கள் ஒத்துழைப்புடன் 2 ஆண்டுகளுக்கு முன் திருப்பணியை தொடங்கியுள்ளனர் .

சிற்பம் செய்ய தகுதியான கல் எங்கும் கிடைக்காத நிலையில் நாமக்கல் மாவட்டம் ராசிபுரத்தில் உள்ளது என கேள்விப்பட்டவுடன் ராசிபுரம் வந்த கோயில் நிர்வாகத்தினர் தகுதியான கருங்கல் தேர்வு செய்யப்பட்டு கிரேன்கள் மூலம் லாரியில் ஏற்றி நாகலாபுரம் கிராமத்திற்கு எடுத்து சென்றனர்.

அங்குள்ள சிற்ப கூடத்தில் சிலை வடிக்கப்பட்டது. ரூ.11 லட்சம் மதிப்பில் 22 டன் எடையும் 16 அடி சுற்றளவும் கொண்ட 12 அடி உயரமுள்ள சதுர வடிவ தூணின் 4 புறமும் தலா 27 ஆஞ்சநேயர் உருவங்கள் அமையும் வண்ணம் வடிவமைக்கப்பட்டு உள்ளது.

ஒரே கல்லில் 108 ஆஞ்சநேயர் சிற்பங்கள் பொறித்து சிற்பம் தயாரானது.‌ அதன்பின் நேற்று முன்தினம் கோயிலில் சிலை நிறுவப்பட்டு பக்தர்களின் தரிசனத்திற்கு அனுமதிக்கப்பட்டுள்ளது.

இந்தியாவில் வேறு எங்கும் இல்லாத நிலையில் 108 ஆஞ்சநேயர் சிற்பங்கள் பொறித்த இந்த தூணினை ஒரு முறை வலம் வலம் வந்தால் போதும் 108 திவ்ய தேசம் சென்று திரும்பிய பலன் கிடைக்கும் என்பது பக்தர்களின் நம்பிக்கையாக உள்ளது.