நூற்றாண்டை கடந்த தடுப்பணை.. நாகையில் கிடா வெட்டி வழிபாடு நடத்திய கிராம மக்கள்..!

மாவட்டம் , கீழ்வேளூர் அடுத்த செருநல்லூர் ஊராட்சியில் ஆத்தூர் கிராமம் அமைந்துள்ளது. இங்கு காக்கழனி வழியாக கடுவையாறு என்னும் பாசன ஆறு.

நாகை வங்க கடலில் கலக்கிறது. ஆத்தூர் கிராமத்தில் சுற்று வட்டார கிராமங்களான காக்கழனி, கூத்தூர், இரட்டைமதகடி, தேவூர் உள்ளிட்ட 25 கிராமங்களுக்கு விவசாய நீர் பாசனத்திற்காக தடுப்பனை கட்டப்பட்டுள்ளது.

இந்த தடுப்பனை கடந்த 1923 ம் ஆண்டு கட்டப்பட்டுள்ளது. இந்த அணை கட்டி நூற்றாண்டை கடந்த நிலையில் கிராம மக்கள் ஒன்றினைந்து தடுப்பணைக்கு நூற்றாண்டு விழாவினை கொண்டாடினர்.

கிராமத்தின் இளைஞர்கள், பெண்கள் நீர்வளத்துறை மற்றும் தீயணைப்பு துறையினருடன் இணைந்து எண்ணங்களின் சங்கமம் என்டிஎஸ்ஓ தன்னார்வ அமைப்பினர்களோடு இணைந்து தடுப்பணையை சூழ்ந்திருந்த ஆகாயத் தாமரைகளை அகற்றி சுத்தம் செய்தனர்.தொடர்ந்து தடுப்பணைக்கு புதிய வர்ணம் அடித்து வாழை மரம் கட்டி புனித நீர் தெளித்து பூஜை செய்தனர்.

அதனைத்தொடர்ந்து தடுப்பணை நூற்றாண்டு திறப்பு விழாவும் நடைப்பெற்றது. தொடர்ந்து கிராம மக்கள் தடுப்பணைக்கு கிடாவெட்டி வழிபாடு செய்தனர்.

கிராம மக்கள் சாமி வந்து ஆடி நீர் ஆதரமான கடுவை அற்றினை வணங்கினர்.

பிரியாணி விருந்து பரிமாறப்பட்டது. இதில் கிராம மக்கள் அனைவரும் கலந்துக் கொண்டனர்.

இதனை தொடர்ந்து கிராம மக்களுக்கு நுற்றாண்டை கடந்த தடுப்பணைக்கு பூஜை செய்து படையல் இட்டனர்.

கிராம மக்கள் ஒன்றிணைந்து கிடாவெட்டி வழிபாடு செய்தது சுற்று வட்டார பகுதிகளில் நெகிழ்ச்சியை ஏற்படுத்தி உள்ளது.