வைத்தீஸ்வரன் கோயிலுக்கு ஏன் இந்த பெயர் வந்தது தெரியுமா..? மயிலாடுதுறையில் இப்படி ஒரு பெருமையான தலமா..?

மாவட்டத்தில் இருக்கும் வைத்தீஸ்வரன் கோயில் சோழர் காலத்தில் கட்டப்பட்ட பழமையான கோயிலாகும். மேலும் இவை நாயக்கர் காலத்தில் புதுப்பிக்கப்பட்டதாக பல கல்வெட்டுகள் கூறுகின்றன. இக்கோயில் ஒன்பது நவகிரக கோயில்களில் ஒன்றாக திகழ்கிறது.

இது செவ்வாய் கிரகத்தை குறிக்கும் கோயில் தலமாக விளங்குகின்றது. வைத்தீஸ்வரன் கோயில் திருஞானசம்பந்தர், திருநாவுக்கரசர் ஆகியோரால் தேவாரம் பாடல் பெற்ற சிவத்தலமாகும். இத்தலத்தின் மூலவர் வைத்தியநாதர், தாயார் தையல்நாயகி காட்சியளிக்கின்றனர்.

வரலாறு :
அங்காரகன், தொழுநோயால் மிகத்தீவிரமாக பாதிக்கப்பட்டதின் விளைவாக கடவுள் சிவ பெருமான் வைத்தியநாத சுவாமியாக எழுந்தருளி அவரின் நோயினை போக்கினார்.

திருநாவுக்கரசர் தீவிர வயிற்று வலியினால் அவதியுற்றபொழுது அவர் சகோதரி வைத்தியநாதனை நினைந்து வலிநீங்க வேண்டினார்.

அவ்வாறே எழுந்தருளி வலி நீக்கினார். அன்று முதல் இந்த கோயிலின் சிவனை பக்தர்கள் வைத்தியநாதன் என்றழைக்கப்படுகிறார்.

சிறப்புகள் :
வைத்தீஸ்வரன் என்பது தமிழில் மருத்துவக் கடவுள் என்பதை குறிக்கிறது. வைத்தீஸ்வரன் கோயிலுக்கு வந்து இக்கடவுளை வழிபடுவோர் நோய்நொடி நீங்கி வாழ்வர் என்று நம்பப்படுகிறது.

அதனால் இந்த கோயிலுக்கு வரும் பக்தர்கள் மிளகு மற்றும் வெல்லத்துடன் கலந்த உப்பு இவற்றை சித்தாமிர்தத்தில்(குளம்) வைத்து நோய் தீர்க்க கடவுளுக்கு வைத்து படைக்கின்றனர்.

கடவுளுக்காக வெள்ளித் தட்டுகள், மோதிரங்களை காணிக்கையாக பிணி தீர்க்க வேண்டி உண்டியலில் செலுத்துகின்றனர்.

இக்கோவிலில் இருக்கும் சித்தாமிர்த குளத்தின் நீர் புனித நீராக கருதப்படுகிறது. இக்குளத்தில் நீராடினால் நோய் நீங்கும் என்று சொல்லப்படுகிறது.

நாடி ஜோதிடம் :
வைத்தீஸ்வரன் கோயிலில் நாடி ஜோதிடம் பிரபலமான ஒன்று. நாடி ஜோதிடம் பிரபலம் அடைய காரணம் முன்னர் காலத்தில் நாடி ஜோதிடம் என்பது ஓலைச்சுவடிகளில் பார்க்கப்பட்டது.

அதற்காக நிறைய ஓலைச்சுவடிகளை ஒரே இடத்தில் சரபோஜி என்ற மகாராஜா தஞ்சாவூரில் பாதுகாத்து வந்தார். அந்த சுவடுகளில் இருக்கும் எழுத்துக்களையும், புள்ளியில்லா எழுத்துக்களையும் பிழையில்லாமல் படித்து மக்களுக்கு சொல்வதில் சிக்கல் ஏற்பட்டது.

வைத்தீஸ்வரன் கோயிலின் ஒரு பிரதான குடும்பம் ஜோதிடம் பார்த்து வந்தனர். அப்போதுதான் ஓலைச்சுவடிகளில் இருக்கும் எழுத்துக்களையும், புள்ளியில்லா எழுத்துகளையும் படிப்பதில் வல்லுனர் சமூகத்தை சேர்ந்த மக்கள் தேர்ச்சி பெற்றிருந்தனர்.

அதனால் ஜோதிடம் பார்ப்பதற்கு அந்த வல்லுநர் சமூக மக்களிடமே அந்த ஓலைச்சுவடிகள் ஒப்படைக்கப்பட்டது. அந்த சமூக மக்கள் வைத்தீஸ்வரன் கோயிலில் ஐந்து தலைமுறைக்கும் மேல் நாடி ஜோதிடம் பார்த்து வருகின்றனர்.

அமைவிடம் : 
இக்கோயில் மயிலாடுதுறையிலிருந்து 18 கி.மீ தொலைவிலும், சிதம்பரத்திலிருந்து 25 கி.மீ தொலைவிலும் அமைந்துள்ளது. மயிலாடுதுறையில் இருந்து சிதம்பரத்திற்கும், சிதம்பரத்தில் இருந்து மயிலாடுதுறைக்கும் இருக்கும் பேருந்து வசதிகள் உள்ளன. அந்தப் பேருந்தில் ஏறினால் கோயிலின் வாசலிலே இறங்கலாம்.