காசிக்கு இணையான தலம்.. மயிலாடுதுறை மயூரநாதர் கோயிலுக்கு போயிருக்கீங்களா..?

ஆயிரம் ஆனாலும் மாயூரம் ஆகாது என்ற பழமொழி நகருக்கே உரியவை. தற்போது மயிலாடுதுறை என்று அழைக்கப்படும் ஊர்தான் முந்தைய காலத்தில் மாயூரம் என்று அழைக்கப்பட்டு, பிறகு மாயவரம் என்று அழைக்கப்பட்டு எம்.ஜி.ஆர் அவரது ஆட்சி காலத்தில் தமிழக அரசால் மயிலாடுதுறை என்று பெயர் மாற்றப்பட்டுள்ளது.

இந்த ஊரில் நிறைய சிறப்புகள் இருந்தாலும் மயிலாடுதுறை நகரின் மையப்பகுதியில் அமைந்துள்ள மயூரநாதர் கோயிலின் சிறப்புக்கு அடங்காது.

மயிலாடுதுறை மயூரநாதர் திருக்கோயில் திருவாடுதுறை ஆதினத்துக்கு சொந்தமானது. இக்கோயிலில் மூல ஸ்தானத்தில் மயூரநாதர் சுவாமியும், தாயாராக அபயாம்பிகை அம்பாளும் உள்ளார்கள்.

காவிரி கரையில் உள்ள ஆறு சிவ ஸ்தலங்களும் காசிக்கு சமமாக கருதப்படுகிறது. அவற்றில் இந்த மயிலாடுதுறை மயூரநாதர் கோயிலும் ஒன்று.

சிவபெருமானை மதிக்காமல் பார்வதி அம்மாள் தனது தந்தை நடத்திய யாகத்தில் அழையா விருந்தாளியாக பார்வதி கலந்து கொண்டுள்ளார்.

அந்த யாகத்தில் அவமானப்பட்ட பார்வதியை சிவன் சபித்தார். சாபம் நீங்க காவேரி கரையில் ஐப்பசி மாதம் 30 நாட்கள் தவம் செய்து தன்னை மீண்டும் சந்திக்குமாறு கூறியுள்ளார்.

பார்வதி மயில்ரூபம் எடுத்து மயிலாடுதுறை நகரில் காவேரி நதியின் வெகு காலம் தவம் செய்து இருந்தார். இதைத் அறிந்த சிவன் ஆண் மயில் உருவெடுத்து பார்வதியை சந்தித்து பெண் மயிலான பார்வதியுடன் ஆடி பார்வதிக்கு சாப விமோசனம் தந்தார். சிவனும் பார்வதியும் மயில் உருவத்துடன் ஆடியதால் மயிலாடிய காவிரித்துறை என்று இத்தலம் பெயர் பெற்றது.

இத்தகைய சிறப்புகள் பெற்ற மயிலாடுதுறையில் ஐப்பசி மாதத்தின் 30ம் நாள் காவிரி நதிக்கரையில் துலா கட்ட உற்சவம் நடைபெறும் அந்த உற்சவத்தில் காவிரி நதியில் நீராடினால் தனது பாவங்கள் நீங்குவதாக மக்கள் நம்புகிறார்கள். இக்காவிரி நதி காசி நதிக்கு இணையாக கருதப்படுகிறது.

இக்கோவில் மயிலாடுதுறையில் திருவாரூர், காரைக்கால், கும்பகோணம், சிதம்பரம் ஊர்களுக்கு இடையில் அமைந்துள்ளது. இவ்வூர்களில் இருந்து சுமார் ஒரு மணி நேரத்தில் மயிலாடுதுறைக்கு சென்று விட முடியும். 
செய்தியாளர் : கணபதி - மயிலாடுதுறை