மதுரை மக்களுக்கு குட்நியூஸ்.. ஜிம், சூட்டிங் ஸ்பாட் என சூப்பராக மாறிய சுந்தரம் பார்க்..!

பொழுதுபோக்கிற்காக உருவாக்கப்பட்ட பூங்காக்களில் மாட்டுத்தாவனி பின்புறமாக அமைந்துள்ள கே.கே. நகர் பகுதியில் உள்ள சுந்தரம் பார்க் ஆரோக்கியமாக வாழ்வதற்கு வழி வகுக்கின்றது. கடந்த சில ஆண்டுகளாகவே வாக்கர் கிளப் மூலம் மதுரை சுந்தரம் பார்க் பராமரிக்கப்பட்டு வருகின்றது.

பார்க்கின் வலது புறத்தில் சுமார் 1.6 கிலோமீட்டர் நீளம் கொண்ட நடைபாதை அமைக்கப்பட்டுள்ளது. இந்நடை பாதை ஒரு சதுர வடிவில் காணப்படுகின்றது. காலை மற்றும் மாலை என இரு வேலைகளிலும் இங்கு நூற்றுக்கும் மேற்பட்ட மக்கள் நடைப்பயிற்சி மேற்கொள்கின்றார்கள்.

முதியவர் முதற்கொண்டு இளைஞர்கள் வரை ஜாக்கிங், வாக்கிங் என 1.6 கிலோ மீட்டர் நீளம் கொண்ட இந்நடை பாதையில் சுமார் மூன்று முறையாவது சுற்றி தனது பயிற்சியினை மேற்கொள்கின்றார்கள். சதுர வடிவம் கொண்ட நடைபாதையின் உட்புறத்தில் சிலம்பம் கற்றுத் தருவதற்கான பயிற்சிகளும் நடைபெறுகின்றது.

அதிகாலையிலே 30க்கும் மேற்பட்ட சிறுவர் சிறுமிகள் சிலம்பு பயிற்சியில் ஈடுபடுகின்றார்கள். இக்காலகட்டத்தில் சிறுமிகளுக்கு இப்பயிற்சி முக்கியமான ஒன்று என்பது குறிப்பிடத்தக்கது.

அதன் அருகினிலேயே ஸ்கேட்டிங் மைதானம் அமைக்கப்பட்ட உள்ளது. இம்மைதானத்தில் 50க்கும் மேற்பட்ட குழந்தைகள் ஷிப்ட் முறையில் இப்ப பயிற்சியினை மேற்கொள்கின்றார்கள். மேலும் இப்பயிற்சியின் மூலம் ஸ்கேட்டிங் போட்டிகளிலும் கலந்து கொள்கின்றார்கள்.

பார்க்கின் நுழைவாயிலில் பல்வேறு மேடைகள் அமைக்கப்பட்டுள்ளது. நடைபயிற்சியினை முடித்துவிட்டு இம்மிடையில் ஓய்வெடுத்துக் கொள்கின்றார்கள் மேலும் டிஎன்பிசி போன்ற தேர்வு எழுதுபவர்கள் இங்கு அமர்ந்துதான் அமைதியான சூழ்நிலையில் படிக்கின்றார்கள்.

நுழைவாயிலின் எதிர்ப்புறத்திலே மதுரை வண்டியூர் கண்மாய் காட்சியளிக்கின்றது. கண்மாயை அருகில் சென்று பார்ப்பதற்காகவே சிறிய நடைபாதை ஒன்று அமைக்கப்பட்டுள்ளது.
இந்த நடைபாதை கேரளா,கொடைக்கானல் போன்ற அட்மாஸ்பியரை உருவாக்குவதால் இங்கு வரும் கல்லூரி மாணவர்கள் போட்டோ சூட், ஷார்ட் பிலிம் ஆகியவற்றில் ஈடுபடுகின்றார்கள்.

இடது புறத்தில் மினி ஜிம்மே இருக்கின்றது என்று கூட சொல்லலாம்.
ஜிம்மில் இருக்கும் அனைத்து வசதிகளையும் கொண்ட மினி ஜிம் ஆண்கள் பெண்களுக்கு என தனித்துவமாக இருக்கின்றது.
பெரியவர்கள் முதல் முதியவர்கள் வரை நடைப்பயிற்சியை முடித்துவிட்டு நேராக வந்து இந்த மினி ஜிம்மில் தான் உடற்பயிற்சி செய்கின்றார்கள்.

அதன் அருகிலேயே ஷட்டில் கார்க் விளையாடும் ஒரு சிறிய மைதானமும் அமைக்கப்பட்டுள்ளது. இம்மைதானத்திற்கு வரும் மக்கள் சுமார் ஒரு மணி நேரத்திற்கும் மேலாக விளையாடிவிட்டு தான் செல்கின்றார்கள்.

மேலும் இங்கு குழந்தைகளுக்கு என பிரத்யோகமாகவே விளையாட்டு பூங்காவும் உள்ளது. இந்நிலையில் காலை மாலை என இரு வேலைகளிலும் வாக்கர் கிளப் பராமரிப்பின் அடிப்படையில் தூய்மை பணியாளர்கள் மூலம் சுத்தம் செய்யப்படுகின்றது.

200க்கும் மேற்பட்ட மரங்களைக் கொண்ட சுந்தரம் பார்க் பசுமை மிக்கதாக தோற்றமளிக்கின்றது.