மதுரை தெப்பக்குளம் பகுதியில் பிரபலமாகும் 80's,90's கிட்ஸ் மிட்டாய் கடை

பிரிங் பேக் யுவர் மெமரிஸ் என்று 80ஸ் மற்றும் 90ஸ் கிட்ஸ்களின் கவனத்தை ஈர்த்துக் கொண்டு வருகின்றது தெப்பக்குளம் பகுதியில் உள்ள மிட்டாய் கடை.

எப்பட்றா! என்று சொல்லும் அளவிற்கு 90 கிட்ஸ்களின் சிறு வயது நினைவுகளை நினைவு கூறும் இடமாக இக்கடை இருப்பதால் மக்கள் கூட்டம் இங்கு சற்று அதிகமாகவே காணப்படுகின்றது.

80's, 90's கிட்ஸ்கள் விரும்பி உண்ணும் தின்பண்டங்கள் ஆன டாடி மம்மி, நேந்திரம்பழம் மிட்டாய்' கலர் கலரான ஜல்லிகள், சூட மிட்டாய், மினி பால்கோவா, 'நாக்கு பிங்க் கலரில் இருக்கின்றதா?' என்று 90's கிட்ஸ்களின் நினைவுகளான ரோஸ் மிட்டாய், புளிப்பு மிட்டாய், ஆரஞ்ச் மற்றும் ஆப்பிள் மிட்டாய் நண்பர்களுடன் மாற்றி மாற்றி அடித்துக் கொண்டே உண்ணும் தின்பண்டமான விசில் மிட்டாய்' கிரேசி பாப் மிட்டாய், ஸ்டிக் மிட்டாய், குச்சி மிட்டாய், டிட் பிட்ஸ் மிட்டாய், சீரக மிட்டாய் என அனைத்து வகையான 90's கிட்ஸ்களின் நினைவு தின்பண்டங்கள் மொத்தமாகவும்,சில்லறையாகவும் விற்கப்படுகின்றது.

இக்கடை பற்றி பேசிய உரிமையாளர், ‘இத் தின்பண்டங்கள் அனைத்தும் ஈரோடு மாவட்டத்தில் வீட்டில் உற்பத்தி செய்யப்படுகின்றது. இக்கடையினை நாங்கள் குடும்பத்துடன் நடத்தி வருகின்றோம்.

தற்பொழுது இத்தின்பண்டங்கள் அதிகமான இடங்களில் கிடைக்காத பட்சத்தில் 90ஸ் கிட்ஸ்களின் அனைத்து வகையான தின்பண்டங்களை மொத்தமாக விற்பனை செய்யலாம் என்ற நோக்கத்துடன் தொடங்கினோம். ஆனால் தற்பொழுது 80's, 90's மற்றும் 2k கிட்ஸ் முதற்கொண்டு அனைவருமே இத்தின்பண்டத்தினை விரும்பி உண்ணுகின்றார்கள்.

தற்பொழுது 80ஸ் மற்றும் 90ஸ் கிட்ஸ் களின் பள்ளி நினைவுகளை தூண்டும் இடமாக விளங்குகின்றது.

செய்தி& புகைப்படங்கள்- யுவதிகா