நடுராத்திரியில் பரபர மீன் விற்பனை! மதுரையில் பேமஸ் ஆகும் மிட்நைட் மீன் மார்க்கெட்..!

  யில் செயல்பட்டு வரும் மிட்நைட் மீன் மார்க்கெட் தற்போது மதுரை மக்களிடையே பேமஸ் ஆகி வருகிறது.

முதலில் இந்த மீன் மார்க்கெட் கரிமேடு பகுதியில் இருந்தது தற்போது கொரோனா ஊரடங்கு காலகட்டத்தில் மாட்டுத்தாவணி பகுதிக்கு மாற்றப்பட்டது. இங்கு சுமார் 100 கடைகள் மொத்தம் மற்றும் சில்லறை விற்பனையாக செயல்படுகின்றது.

இது குறித்து பேசிய வியாபாரிகள், இச்சந்தையில் ஆத்து மீன், குளத்து மீன், கடல் மீன் என அனைத்து வகையான மீன்களும் இறக்குமதி செய்து விற்கப்படுகின்றது.

இந்த மீன்கள் கன்னியாகுமரி, ராமேஸ்வரம், தூத்துக்குடி, கேரளா மற்றும் ஆந்திராவில் இருந்து வருகின்றது. 200க்கும் மேற்பட்ட சரக்கு வாகனங்கள் மூலம் இரவு 9 மணி முதல் காலை 8 மணி வரை இறக்குமதி செய்யப்பட்டு, விற்பனை நடைபெறுகிறது. நள்ளிரவில் திருவிழா போல் மீன் மார்க்கெட்டில் கூட்டம் அலைமோதுகின்றது.

இது குறித்து பேசிய பொதுமக்கள், இங்குதான் மீன்கள் பிரஷ்ஷாக விற்கப்படுகின்றது. வீட்டின் அருகில் வாங்குவதை விட இந்த சந்தையில் வந்து வாங்கும் விலை சற்று மலிவாகவே இருக்கும் என தெரிவிக்கின்றனர்.

மேலும் இங்கு வாங்கிச் செல்லும் மீன்களை வெட்டி தருவதற்கு என தனித்துவமான இடமும் உள்ளது. அதற்கென தனியாக கட்டணமும் வசூலிக்கப்படுகின்றது.