தங்கப்பல்லக்கில் பவனி வந்த சொக்கர் - மீனாட்சி.. சொக்கி நின்ற மதுரை மக்கள்!

சித்திரை திருவிழா கடந்த ஏப்ரல் 23ஆம் தேதி கொடியேற்றத்துடன் தொடங்கியது.

தொடர்ந்து மீனாட்சிஅம்மன், சுந்தரேஸ்வரர் - பிரியாவிடை தினமும் விதவிதமான வாகனங்களில் வீதியுலா சென்று பக்தர்களுக்கு அருள்பாலித்து வருகின்றனர்.

அந்த வகையில் 4ஆம் நாளான நேற்று மீனாட்சி, சுந்தரேஸ்வரர் தங்கப்பல்லக்கில் கோயிலில் இருந்து புறப்பட்டனர்.

தெற்கு வாசல், சின்னக்கடைத்தெரு வழியாக வில்லாபுரத்தில் உள்ள பாவக்காய் மண்டபத்திற்கு சென்றனர். அங்கு பக்தர்கள் மீனாட்சி அம்மன், சுந்தரேஸ்வரரை வழிபட்டனர்.

வில்லாபுரம் கண்மாய் பகுதியில் அக்காலத்தில் பாகற்காய் தோட்டம் இருந்துள்ளது. விவசாயிகளுக்கு தரிசனம் கொடுக்கவும், அப்பகுதி மக்கள் விழா எடுப்பதற்காகவும், பாவக்காய் மண்டபத்தில் அம்மனும், சுவாமியும் தங்கி எழுந்தருள்வது வழக்கம்.

பாவக்காய் மண்டபத்தில் நேற்று நடைபெற்ற சிறப்பு பூஜைகளுக்கு பின்னர், மாலை 6 மணிக்கு வில்லாபுரத்தில் இருந்து தங்கப்பல்லக்கில் புறப்பட்டு சுவாமியும், அம்மன் கோயிலை சென்றடைந்தனர்.