அழகர்கோவில் ஆடித் தேரோட்ட விழா மதுரையில் கோலாகலம் (படங்கள்)

மதுரை அழகர் கோவில் ஆடிப்பெருந்திருவிழா ஆகஸ்ட் 3 ஆம் தேதி துவங்கி 14 ஆம் தேதி வரை 10 நாட்கள் நடைபெற்றுவது வழக்கம். ஒன்பதாம் நாளான இன்று, விழாவின் உச்ச நிகழ்வான கள்ளழகர் தேரோட்டம் வெகு விமரிசையாக நடைபெற்றது.

ஶ்ரீதேவி, பூதேவி சமேதராக கள்ளழகர் தேரில் எழுந்தருளி அருள்பாலித்தார்.

கோயிலின் வெளி கோட்டை சுவரை ஒட்டி உள்ள வீதியில்,
சுமார் 2 மணி நேரம் தேரோட்ட விழா

விழாவில் தமிழகம் முழுவதும் இருந்து லட்சக்கணக்கான மக்கள் பங்கேற்றுள்ளனர்.

சிவகங்கை, ராமநாதபுரம், விருதுநகர் உள்ளிட்ட தென் மாவட்டங்களை சேர்ந்த மக்கள் அதிக அளவில் பங்கேற்றனர்.

கோவிந்தா கோஷம் முழங்க ஆர்ப்பரித்த மக்கள் தேரை வடம் பிடித்து இழுத்தனர்.

பல ஊர்களில் இருந்தும் வண்டி கட்டி வந்து தங்கியிருந்து, நேர்த்திகடன் செலுத்தி, உணவு சமைத்து, பகிர்ந்துண்டு விழாவை கொண்டாடினர்.