கேப்டனாக இங்கிலாந்தில் கபில் சாதனையை முறியடித்த விராட் கோலி- ஓவல் வெற்றி ருசிகரங்கள்

2-வது முறையாக அன்னிய மண்ணில் முதல் இன்னிங்சில் 200க்கும் குறைவாக ரன்கள் எடுத்து இந்தியா டெஸ்ட் போட்டியை வெல்கிறது.

2018-ல் தென் ஆப்பிரிக்காவில் ஜொகான்னஸ்பர்க்கில் இந்தியா வெற்றி பெற்ற போது இந்தியா முதல் இன்னிங்சில் 187 ரன்களுக்கு ஆல் அவுட் ஆனது.

ஓவல் மைதானத்தில் 50 ஆண்டுகளுக்குப் பிறகு இந்தியா வெல்கிறது. 14 முறை இங்கு விளையாடியதில் 2வது வெற்றி. முதல் வெற்றி இந்த ஓவல் மைதானத்தில் இங்கிலாந்து மண்ணில் முதல் வெற்றி.

1986க்குப் பிறகு இந்தியா ஒரு டெஸ்ட்டுக்கு மேல் இங்கிலாந்தில் வென்று 2-1 என்று தற்போது முன்னிலை வகிக்கிறது.

இங்கிலாந்தில் கேப்டன் விராட் கோலியின் 3வது வெற்றியாகும் இது, இந்த வகையில் கபில்தேவின் தலைமையில் பெற்ற 2 வெற்றிகள் சாதனையை முறியடித்தார் கோலி.

இந்தியா முதல் இன்னிங்சில் 99 ரன்கள் பின்னடைவு கண்டது. இப்படி முதல் இன்னிங்சில் லீட் கொடுத்து விட்டு டெஸ்ட்டையே வெல்வது இது 3வது முறையாகும்.

2001-ல் ஆஸ்திரேலியாவுக்கு எதிராக பெற்ற அந்த புகழ்பெற்ற வெற்றியில் இந்திய அணி 274 ரன்கள் பின்னிலையில் இருந்தது.

1981-ல் ஆஸ்திரேலியாவுக்கு எதிராக 182 ரன்கள் பின் தங்கியிருந்து பிறகு டெஸ்ட்டை வென்றது. 131 ரன்கள் மே.இ.தீவுகளுக்கு எதிராக பின்னிலையில் இருந்தது இந்தியா இது 1976-ல் ஆனால் டெஸ்ட்டில் வெற்றி.

சென்னையில் 71 ரன்கள் முன்னிலை பெற்றிருந்தது ஆஸ்திரேலியா ஆனால் 2வது இன்னிங்சில் சச்சின் டெண்டுல்கரின் அதிரடி 155 ரன்களினால் இந்தியா வெற்றி பெற்றது.

2004-ல் வான்கடே மைதானத்தில் இதே போல் 99 ரன்கள் ஆஸ்திரேலியாவுக்கு எதிராக பின் தங்கியிருந்த நிலையிலும் டெஸ்ட் போட்டியை வென்றது இந்தியா.

முதல் இன்னிங்சில் 99 ரன்கள் முன்னிலை பெற்ற இங்கிலாந்து இப்படி தோற்பத் 6வது முறையாகும்.

8 முறை ரோகித் சர்மா டெஸ்ட்டில் சதம் எடுத்துள்ளார், ஒவ்வொரு சதமும் இந்திய வெற்றியில் முடிந்தது.

9 வீரர்கள் இங்கிலாந்தில் பவுல்டு ஆகி ஆட்டமிழந்தது இந்தியாவுக்கு எதிராக 2வது அதிக பவுல்டு ஆகும்.

டாஸில் தோற்று டெஸ்ட்டை வென்றது இந்தத் தொடரில் 3வது முறையாக நடக்கிறது, இங்கிலாந்தில் இப்படி நடப்பது 2வது முறையாகும்.

லார்ட்சில் ருட் டாஸ் வென்று டெஸ்ட்டை தோற்றார் ஹெடிங்லேயில் டாஸ் வென்ற கோலி டெஸ்ட்டில் தோற்றார் இப்போது ஓவலில் ரூட் டாஸ் வென்று டெஸ்ட்டைக் கோட்டை விட்டார்.