பொன்னியின் செல்வன் படத்திற்கு சிக்கல்… படக்குழுவினருக்கு வக்கீல் நோட்டீஸ்

பொன்னியின் செல்வன் படத்தின் முதல் பாகம் செப்டம்பர் 30-ம்தேதி வெளியாகவுள்ள நிலையில் அந்த படத்திற்கு தற்போது சிக்கல் ஏற்பட்டுள்ளது.

வரலாற்று உண்மைகளை பொன்னியின் செல்வன் படக்குழுவினர் மறைத்திருப்பதாக கூறி வக்கீல் நோட்டீஸ் அனுப்பப்பட்டுள்ளது.

வக்கீல் நோட்டீசில் சோழர்கள் காலத்தில் நெற்றியில் நாமம் இடும் பழக்கம் இல்லை. ஆனால் பொன்னியின் செல்வன் படத்தில் ஆதித்த கரிகாலன் கேரக்டரில் நடித்துள்ள விக்ரமுக்கு நெற்றியில் நாமம் இடப்பட்டுள்ளது. தவறாக அமைக்கப்பட்டுள்ள இந்த காட்சியின் மூலம் மணி ரத்னம் வரலாற்று உண்மையை மறைக்கிறார் என்று குற்றம் சாட்டப்பட்டுள்ளது.

நோட்டீஸிற்கு பொன்னியின் செல்வன் படக்குழு தரப்பில் பதில் அளிக்கப்படும் என்று எதிர்பார்க்கப்படுகிறது.

பெரும் எதிர்பார்ப்புக்கு மத்தியில் பொன்னியின் செல்வன் பாகம் 1, செப்டம்பர் 30ம் தேதி வெளியாகவுள்ளது

படத்திலிருந்து கேரக்டர்கள் அறிமுகம் மற்றும் டீசர் வெளியாகி நல்ல வரவேற்பை பெற்றுள்ளது.

படத்தில் ஆதித்த கரிகாலனாக விக்ரம், குந்தவையாக த்ரிஷா, வந்தியத்தேவனாக கார்த்தி, நந்தினியாக ஐஷ்வர்யா ராய், பொன்னியின் செல்வன் ராஜ ராஜ சோழனாக ஜெயம் ரவி உள்ளிட்டோர் நடிக்கின்றனர்.

ரசிகர்களால் நன்கு அறியப்பட்ட 30க்கும் அதிகமான நடிகர்கள் படத்தில் இடம்பெற்றுள்ளதால் படத்தின் மீதான எதிர்பார்ப்பு அதிகம் காணப்படுகிறது.

விரைவில் பொன்னியின் செல்வன் முதல் பாகத்திலிருந்து பாடல்கள் வெளியாகும் எனஎதிர்பார்க்கப்படுகிறது.

ஏற்கனவே டீசரில் இடம்பெற்ற ஏ.ஆர்.ரகுமானின் பின்னணி இசை அற்புதமாக இருப்பதாக ரசிகர்கள் கூறியுள்ளனர். இதனால் பாடல்களை அவர்கள் ஆவலுடன் எதிர்பார்த்துள்ளார்கள்.

குந்தவை கேரக்டரில் நடிகை த்ரிஷா.