மிட்விக்கெட்டில் காணாமல் போன தல தோனியின் ‘பஞ்ச்’ சிக்சர்

ஹைதராபாத் அணிக்கு எதிரான போட்டியில் 6 விக்கெட்கள் வித்தியாசத்தில் வெற்றி பெற்ற சிஎஸ்கே முதல் அணியாக ப்ளே ஆப் சுற்றுக்கு முன்னேறி உள்ளது.

டாஸ் வென்ற சிஎஸ்கே அணி பந்துவீச்சை தேர்வு செய்தது. சிஎஸ்கே-வில் சாம் குரணுக்கு பதிலாக டூவைன் பிராவோ அணியில் சேர்க்கப்பட்டிருந்தார். இதையடுத்து பேட்டிங்கை ஆரம்பித்த சன்ரைசர்ஸ் அணிக்கு ஆரம்பமே அதிர்ச்சி காத்திருந்தது.

தொடக்க வீரர் ஜோசன் ராய் 2 ரன்னில் ஹேசில்வுட் பந்துவீச்சில் அவுட்டாகி வெளியேறினார்.

அடுத்த வந்த கேப்டன் வில்லியம்சன் 11 ரன்களில் பிராவோ பந்துவீச்சில் சிக்கினார்.

சன்ரைசர்ஸ் அணி 20 ஓவர்கள் முடிவில் 7 விக்கெட் இழப்பிற்கு 134 ரன்கள் எடுத்துள்ளது. ஹைதராபாத் அணி சார்பில் அதிபட்சமாக தொடக்க வீரர் விருதமான் சஹா 44 ரன்கள் எடுத்தார்.

சென்னை அணியில் ஹேசில்வுட் 3 விக்கெட்களையும், பிராவோ 2 விக்கெட்களையும், ஜடேஜா மற்றும் சர்துல் தாகூர் தலா ஒரு விக்கெட்களை வீழ்த்தினர்.

ருதுராஜ் - டூபிளெசிஸ் ஜோடி முதல் விக்கெட்டிற்கு 75 ரன்கள் பார்டனர்ஷிப் அமைத்தனர். ருதுராஜ் 45 ரன்கள் எடுத்திருந்த போது ஹோல்டர் பந்துவீச்சில் கேட்ச் கொடுத்து வெளியேறினார்.

மொயின் அலி 17 ரன்களில் ரஷித் கான் பந்துவீச்சில் அவுட்டாக அடுத்து வந்த சுரேஷ் ரெய்னா 2 ரன்களில் வந்த வேகத்தில் அவுட்டாகி நடையை கட்டினார். நிதனமாக விளையாடிய டூ பிளெசிஸ் 41 ரன்களில் அவுட்டானார்.

சிஎஸ்கே அணி 6 விக்கெட்கள் வித்தியாசத்தில் வெற்றி பெற்று முதல் அணியாக ப்ளே ஆப் சுற்றுக்கு தகுதி பெற்றுள்ளது.