Ind vs Eng, Joe Root | ஜோ ரூட்டின் பேட்டிங்கில் தலைகுனிந்த இந்தியப் பந்து வீச்சு

முதல் நாள் ஆட்டத்தில் 78 ரன்களுக்கு ஆல் அவுட் ஆன பிறகு இங்கிலாந்து 120/0 என்ற பிறகு 2ம் நாள் என்ன செய்ய வேண்டும் என்பதை ஆலோசித்த இந்திய அணி கூடி நின்று கும்மி.

2-ம் நாள் மேம்பட்ட ஆட்டத்தை எதிர்நோக்கிய கேப்டன் விராட் கோலி மைதானத்துக்குள் ஏகப்பட்ட எதிர்பார்ப்புகளுடன் செல்லும் காட்சி.

மேகமூட்ட வானிலையில் கொஞ்சம் ஸ்விங் இருந்தாலும் இந்திய பவுலர்களுக்கு ஸ்விங் லபிக்கவில்லை இதனால் இங்கிலாந்து தொடக்க வீரர்கள் ரோரி பர்ன்ஸ், ஹசீப் ஹமீது சதக்கூட்டணி அமைத்தனர்.

இடது கை வீரர் ரோரி பர்ன்ஸுக்கு ஒருபந்தை அபாரமாக உள்ளே கொண்டு வந்தார் ஷமி, பேட், பேடு கேப்பில் பந்து புகுந்து பவுல்டு ஆனபோது இந்திய வீரர்கள் முகத்தில் மகிழ்ச்சி

அற்புதமான ஆர்ம் பாலில் ஹமீது ஹசீப்-68 ரன்னில் ஜடேஜாவிடம் பவுல்டு ஆனதைக் கொண்டாடும் ஜடேஜா.

உணவு இடைவேளையின் போது ரூட், மலான் கிரீசில் இருக்க இங்கிலாந்து 182/2 என்று இருந்ததையடுத்து கைவிட்டுப் போன ஆட்டத்தை நினைத்து தலைகுனிந்த கோலி, ரோகித், ரகானே.

57 பந்துகளில் அரைசதம் கண்ட ஜோ ரூட்.

டெஸ்ட் கிரிக்கெட்டுக்கு மீண்டும் வந்த டேவிட் மலான் அபாரமான பவுண்டரிகளுடன் அரைசதம் எடுத்தார்.

சதக்கூட்டணி அமைத்த டேவிட் மலான் - ஜோ ரூட் கூட்டணி அணியின் முன்னிலையை 200 ரன்களைத் தாண்டி எடுத்து சென்றனர்.

ஷார்ட் பிட்ச், ஓவர் பிட்ச் என்று வீசி சாத்து வாங்கிய முகமது சிராஜ் தேநீர் இடைவேளைக்கு முன் 70 ரன்களில் மலானை வீழ்த்தியது அதிர்ஷ்டமே.

ரூட் சதத்துக்குப் பிறகு முகமது ஷமி இங்கிலாந்தின் பேர்ஸ்டோ, பட்லரை வீழ்த்தினார்.

பும்ரா பந்தில் பவுல்டு ஆகி ஜோ ரூட் சதநாயகனாக வெளியேறிய காட்சி.

தேநீர் இடைவேளைக்குப் பிறகு இங்கிலாந்தை 350/3லிருந்து 418/8 என்று இந்திய அணி சரித்தது, ஆனாலும் இங்கிலாந்து அணிக்கே வெற்றி வாய்ப்பு.