தல தோனி இன்ஸ்பிரேஷன்: முதல் முறை சிபிஎல் டி20 கோப்பையை வென்று டிவைன் பிராவோ அணி சாம்பியன்

கரீபியன் பிரீமியர் லீக் டி20 தொடர் இறுதிப் போட்டியில் ஆந்த்ரே பிளெட்சர் தலைமை செயிண்ட் லூசியா அணியை டிவைன் பிராவோ தலைமை செயிண்ட் கிட்ஸ் அணி த்ரில் மேட்சில் 3 விக்கெட்டுகள் வித்தியாசத்தில் வென்று முதல் முறையாக சிபிஎல் சாம்பியன் ஆனது.

முதலில் பேட் செய்த செயிண்ட் லூசியா அணி 20 ஓவர்களில் 159/7 என்று ஓரளவுக்கு நல்ல ஸ்கோரை எடுக்க, தொடர்ந்து ஆடிய செயிண்ட் கிட்ஸ் அணி டோமினிக் டிரேக்ஸ் 3 பவுண்டரி 3 சிக்சர்களுடன் 48 ரன்கள் எடுத்து நாட் அவுட்டாகத் திகழ கடைசி பந்தில் வெற்றி பெற்று சாம்பியன் ஆனது.

டிவைன் பிராவோ (8) அவுட் ஆகும் போது செயிண்ட் கிட்ஸ் அணி 95/5 என்று தடுமாறியது. மீதமிருந்ததோ 6 ஒவர்கள்தான் தேவைப்பட்ட ரன்களோ 65

அப்போதுதான் டோமினிக் ட்ரேக்ஸ் வெளுத்து வாங்கி த்ரில்லிங் வெற்றி பெறச் செய்தார்.

சிஎஸ்கே அணிக்கு ஆடிவரும் டிவைன் பிராவோ, தல தோனியின் இன்ஸ்பிரேஷன் ஆன கேப்டன்சியை பல முறை அருகில் இருந்து பார்த்திருப்பதால் அவர் பாணியில் அணியை வெற்றிக்கு இட்டுச் சென்ரார்.

செயிண்ட் லூசியா கிங்ஸ் அணிக்கு கனவுத்தொடக்கம், காரனம் கிறிஸ் கெய்லை ராஸ்டன் சேஸ் வீழ்த்தினார் எவின் லூயிஸும் சேசிடம் கேட்ச் ஆகி வெளியேறினார்.

ஜொஷுவா டாசில்வா, ஷெபானி ருதர்போர்ட் மறுகட்டுமான பணியில் இறங்கினர் ஆனாலும் 95/5 என்று செயிண்ட் கிட்ஸ் சரிவு கண்டது.

ஆனால் ட்ரேக்ஸ் இப்படிப்பட்ட ஒரு அதிரடி இன்னின்ஸை ஆடுவார் என்று யாரும் எதிர்பார்க்கவில்லை, அவரது அதிகபட்ச ஸ்கோராகும் இது.

டோமினிக் டிரேக்ஸ் அடித்த பிரமாதமான சிக்ஸ்.

ஷெபானி ரூதர்போர்ட் (இடது), ஜொஷுவா டா சில்வா கூட்டணி.