Anita Hassanandani: ஆண் குழந்தைக்கு தாயான விக்ரம் பட நடிகை

சாமுராய் பட நடிகை அனிதாவுக்கு ஆண் குழந்தை பிறந்திருக்கிறது.

இந்தியில் சின்னத்திரையில் அறிமுகமாகி பின்னர் வெள்ளித்திரை நாயகியானவர் நடிகை அனிதா.

மகாராஷ்டிரா மாநிலத்தை பூர்வீகமாகக் கொண்ட இவர் தமிழில் வருஷமெல்லாம் வசந்தம், சாமுராய், சுக்ரன் உள்ளிட்ட படங்களில் நடித்துள்ளார்.

ஏராளமான இந்தி, தெலுங்கு மொழிப்படங்களில் நடித்திருக்கும் இவர் தற்போது சின்னத்திரையில் கவனம் செலுத்தி வருகிறார்.

அனிதாவுக்கும் ரோஹித் ரெட்டி என்பவருக்கும் கடந்த 2013-ம் ஆண்டு திருமணம் நடைபெற்றது.

2020-ம் ஆண்டு அக்டோபர் மாதம் தான் கர்ப்பமடைந்திருப்பதாக சோஷியல் மீடியாவில் அறிவித்தார் அனிதா.

இந்நிலையில் அனிதா - ரோஹித் ரெட்டி தம்பதிக்கு  சமீபத்தில் அழகிய ஆண் குழந்தை பிறந்திருக்கிறது. இதை தனது இன்ஸ்டாகிராம் பக்கத்தில் கணவன், மனைவி இருவரும் உறுதிப்படுத்தியுள்ளனர். இதையடுத்து திரையுலகினரும் அவரது ரசிகர்களும் வாழ்த்து தெரிவித்துள்ளார்கள்.