TOP NEWS TODAY: கஃபே காபி டே சித்தார்த்தா உடல் நேத்ராவதி ஆற்றில் கண்டெடுப்பு!

காணாமல் போன காபி டே நிறுவனத்தின் தலைவர் சித்தார்த்தா உடல் நேத்ராவதி ஆற்றில் இருந்து கண்டெடுக்கப்பட்டது.

பலத்த எதிர்ப்புகளுக்கிடையே மாநிலங்களவையிலும் நிறைவேறியது முத்தலாக் தடை சட்ட மசோதா. மேலும் இஸ்லாமிய பெண்களுக்கு இழைக்கப்பட்ட அநீதி திருத்தப்பட்டதாக பிரதமர் மோடி பெருமிதம்.

காஞ்சிபுரம் வரதராஜ பெருமாள் கோவிலில் இறுதிநாளான இன்று சயன கோலத்தில் காட்சியளித்து வரும் அத்திவரதர், நாளை முதல் நின்ற கோலத்தில் அருள்பாலிக்க உள்ளார்.

ஆணவக் கொலைகளை தடுப்பதற்காக எடுக்கப்பட்ட நடவடிக்கைகள் தொடர்பான வழக்கில் சென்னை உயர்நீதிமன்றம் இன்று தீர்ப்பு வழங்க உள்ளது.

இன்று ஆடி அமாவாசையை முன்னிட்டு நீர்நிலைகளில் குவிந்த பொதுமக்கள் முன்னோர்களுக்கு தர்ப்பணம் செலுத்தி வழிபாடு நடத்துகின்றனர்.

தேசிய மருத்துவ ஆணைய மசோதாவை மத்திய அரசு அமல்படுத்துவதற்கு எதிர்ப்பு தெரிவித்து நாடு முழுவதும் மருத்துவர்கள் இன்று 24 மணிநேர வேலை நிறுத்தப் போராட்டத்தில் ஈடுபட உள்ளனர்.