TOP NEWS TODAY: Cafe Coffee Day உரிமையாளர் காணவில்லை..

பிரபல கஃபே காஃபி டே நிறுவனத்தின் உரிமையாளரும், கர்நாடகா முன்னாள் முதலமைச்சர் எஸ்.எம்.கிருஷ்ணாவின் மருமகனுமான வி.ஜி. சித்தார்த்தா திடீரென  காணவில்லை. தொழில் சார்ந்த பணிகளுக்காக நேற்று சிக்கமகளூர் சென்ற சித்தார்த்தா, அங்கிருந்து காரில் கேரளா நோக்கி சென்றுகொண்டிருந்தார். மங்களூரு அருகே சென்றபோது தேசிய நெடுஞ்சாலையில் காரை நிறுத்துமாறு கூறி இறங்கி சென்றவர், வெகுநேரமாகியும் திரும்பிவராததால் ஓட்டுநர் சித்தார்த்தாவின் செல்போனுக்கு தொடர்புகொண்டபோது, அது சுவிட்ச் ஆஃப் என வந்ததாக கூறப்படுகிறது. சித்தார்த்தா காரில் இருந்து இறங்கிச் சென்ற பகுதியில், நேத்ராவதி ஆறு ஓடுவதால், ஆற்றிலும் தீவிர தேடுதல் பணி நடந்துவருகிறது. அவர் மங்களூருவில் தற்கொலை செய்துகொண்டதாக தகவல் வெளியாகியுள்ளது. இதனிடையே கடன் மற்றும் வருமான வரி பிரச்னையில் சிக்கியுள்ளதாக குடும்பத்தினர் மற்றும் ஊழியர்களுக்கு சித்தார்த்தா எழுதிய கடிதம் ஒன்றும் வெளியாகியுள்ளது.

திமுக தடுத்தாலும் ஏழைக் குடும்பங்களுக்கு இரண்டாயிரம் ரூபாய்  கட்டாயம் வழங்கப்படும் என துணை முதலமைச்சர் ஓ.பி.எஸ். திட்டவட்டமாக தெரிவித்துள்ளார்.

முத்தலாக் தடை சட்ட மசோதா மீது இன்று மாநிலங்களவையில் விவாதம் நடைபெற உள்ளது.

தென்மேற்கு பருவமழை வழக்கத்தை விட 27 விழுக்காடு குறைந்ததாக சென்னை வானிலை ஆய்வு மையம் தகவல் தெரிவித்துள்ளது.

மேற்கு இந்திய தீவுகளுடனான தொடரில் பங்கேற்பதற்காக அமெரிக்கா புறப்பட்டது இந்திய கிரிக்கெட் அணி.

மனிதர்கள் வாழ்வதற்கான தட்பவெப்ப சூழலுடன் பூமியைப் போலவே 3 புதிய கோள்களை கண்டறிந்துள்ளதாக நாசா விஞ்ஞானிகள் தெரிவித்துள்ளனர்.

தமிழ் மொழியை விட சமஸ்கிருதம் தொன்மையானது என பாடப்புத்தகத்தில் அச்சடிக்கப்பட்ட விவகாரம் தொடர்பாக விளக்கம் கேட்டு பள்ளிக் கல்வித்துறை நோட்டீஸ் அனுப்பியுள்ளது.

நெல்லை முன்னாள் மேயர் உமா மகேஷ்வரி கொலை வழக்கை விசாரிக்க சிபிசிஐடி அதிகாரி நியமனம் செய்யப்பட்டுள்ளனர்.