world chocolate day: சுவை நரம்புகளை இனிக்க செய்யும் உதகையின் சாக்லேட்டுகள்!

சங்கீதத்துக்கு மயங்காதவர்கள் கூட இருக்கலாம்.. ஆனால் சாக்லேட்டுக்கு மயங்காதவர்கள் இல்லை எனும் வகையில் குழந்தைகள் முதல் பெரியவர்கள் வரை எல்லோரது நெஞ்சத்திலும் நீக்கமற நிறைந்திருக்கிறது சாக்லேட்.

உலக சாக்லேட் தினமான இன்று உள்ளத்தை கொள்ளை கொள்ளும் உதகையின் சாக்லேட்டுகள் குறித்த சிறப்பு பதிவு.

1800 களில் மதுபானக் கூடங்களில் வழங்கப்படும் பானமாக சாக்லேட் இருந்து வந்ததாக கூறப்படுகிறது.அதன் வடிவமும், வகைகளும் மாற மாற உலக நாடுகள் அனைத்திலும் உண்ணப்படும் பொருளாக சாக்லேட் மாறியுள்ளது.சாக்லேட் வகைகளில் குறிப்பாக ஹோம் மேட் சாக்லேட்களுக்கு உலகம் முழுக்க வரவேற்பு இருந்து வருகிறது.தமிழகத்தின் நீலகிரி மாவட்டத்தில் தயாரிக்கப்படும் ஹோம்மேட் சாக்லேட்களுக்கு உலக அளவில் வரவேற்பு உள்ளது.

ஆண்டுதோறும் லட்சக்கணக்கான சுற்றுலாப் பயணிகள் வந்து செல்லும் நீலகிரி மாவட்டத்தில் சுற்றுலாப் பயணிகளின் சாய்ஸ் ஆக இயற்கையும், சாக்லேட்டும் இணைந்தே இருகின்றன.

இங்கு 60 வகையான சாக்லேட்கள் தயாரிக்கப்படுகின்றன. ஒவ்வொரு வகை சாக்லேட்டிலும் ஒவ்வொரு சிறப்பம்சம் உள்ளது. குறிப்பாக நீரிழிவு நோயாளிகள், வயது முதிர்ந்தோர் உண்ணும் வகையிலான சாக்லேட்டுகளும் இங்கு தயாராகின்றனர் மன அழுத்தம் உள்ளபோது சாக்லேட்களை உண்டால் மன அழுத்தம் மறைந்து லேசாகி விடும் என்கின்றனர் உற்பத்தியாளர்கள்.

சாக்லேட்கள் தயாரிப்பதை நேரில் காணும்போது தங்களது சாக்லேட் ஆர்வம் கூடுதலாகி விட்டதாக கூறுகின்றனர் சுற்றுலா பயணிகள் உடல்நலத்திற்கு தேவையான பொருட்களை சாக்லேட் உடன் இணைத்து தயாரிக்கப்படும் உதகை சாக்லேட் வகைகளை போல இதுவரை கண்டதில்லை என்றும் கூறுகின்றனர். ஆண்டின் ஒவ்வொரு நாளையும் போல இன்றும் உலகின் சுவை நரம்புகளை இனிக்க வைத்து கரைகிறது சாக்லேட்.