பயணத்தின்போது ஒரு நெயில் கட்டர் இருந்தால் இத்தனை பயன்களா..? இது தெரியாம போச்சே..!

பொதுவாக குளிக்கும்போது அல்லது குளித்து முடித்ததும் நகம் வெட்டும் பழக்கம் எல்லோருக்கும் இருக்கும். கூடுதலாக கொஞ்சம் நகம் வளர்ந்து விட்டால் அது எங்காவது இடித்து உடைந்துவிடுமோ, வலிக்குமோ என்று அவ்வப்போது அதை வெட்டிவிடுவோம். நக இடுக்குகளில் அழுக்கு  சேர்ந்து அது இன்பெக்ஷன் ஆவது அல்லது சாப்பிடும்போது உள்ளே போய்விடும் என்ற பயமும் இருக்கும்.

அப்படி நகம் வெட்டும் போது நகவெட்டியில் நகம் வெட்டும் கூர்மையான பற்களைக்கொண்ட நக வெட்டி தவிர்த்து 2 அல்லது 3 கத்திகள் கொடுக்கப்பட்டிருக்கும். அவை எல்லாம் எதற்கு என்று யோசித்தது உண்டா? அதன் காரணங்களை இப்போது தெரிந்துகொள்ளுங்கள்.

அந்த நகவெட்டிகள் எல்லாம் மல்டி பர்பஸ் (multipurpose ) சாதனங்கள். பயணங்களின் போது எடுத்துச்செல்லும் நகவெட்டிகள் நகம் வெட்டுவதைத் தாண்டி பிற பயன்பாடுகளுக்கு பயன்படுத்தலாம் என்பது தான் பொருள்.

நீங்கள் வெளியில் சென்று பாட்டில் மூடியைத் திறக்க விரும்பினால், நெயில் கட்டரைப் பயன்படுத்தலாம். நெயில் கட்டர் ஒரு சிறிய வளைந்த பிளேட்டைக் கொண்டுள்ளது, அதன் உதவியுடன் நீங்கள் பாட்டில் மூடியைத் திறக்கலாம்.

நீங்கள் ஒரு பயணத்தில் இருந்தாலும் சரி, வெளியே சென்றாலும் சரி, இதில் இருக்கும் சிறிய கத்தியால் எலுமிச்சை, ஆரஞ்சு அல்லது மெலிதான தோல் கொண்ட பழங்களை எளிதாக வெட்ட முடியும்.

மேலும், சிலர் இந்த கத்திகளின் கூர்மையான முனைகளை நக அழுக்குகளை சுத்தம் செய்ய பயன்படுத்துகின்றனர்.  அவ்வாறு செய்வது நல்லதல்ல, ஏனெனில் சிறிய தவறு ஏற்பட்டால், அதன் கூர்மையான விளிம்புகள் உங்கள் விரலைத் துளைத்து காயப்படுத்தலாம்.