பாஸ்போர்ட் இருக்கா... காதலர் தினத்திற்கு விசா இல்லாமல் இந்த நாடுகளில் கொண்டாடுங்கள்!

காதலரோடு வெளிநாடு செல்ல வேண்டும். ஆனால் விசா எடுக்க இப்போது நேரமில்லை என்ன செய்வது என்று யோசிக்கிறீர்களா? அப்போ இந்த நாடுகளுக்கு நீங்க போகலாமே.. இந்த நாடுகளுக்கு நீங்கள் போக விசா அவசியம் இல்லை.

இந்த காதலர் தினத்தில் பூடானுக்கு ஒரு பயணத்தைத் திட்டமிடுங்கள். உலகின் மகிழ்ச்சியான நாடுகளில் ஒன்றில் உங்கள் காதலரிடம் உங்கள் அன்பை மகிழ்ச்சியுடன் தெரிவிக்கலாம். கூடுதலாக, நீங்கள் விசா இல்லாமல் இந்த இடத்தைப் பார்வையிடலாம்!

அழகிய கடற்கரைகள் நிறைந்த ஃபிஜியிற்கு விசா இல்லாமல் சென்று அங்கு 120 நாட்கள் தங்கலாம்! மேலும், உங்கள் துணையை கவரும் வகையில், இந்த இடம் அழகான நிலப்பரப்புகள் மற்றும் மயக்கும் பவளப்பாறைகளுடன் மிக அழகாக இருக்கும்.

அதே போல இந்தியாவுக்கு மிக அருகில் உள்ள தீவுகள் நாடான மொரீஷியஸில் அதிகபட்சம் 90 நாட்களுக்கு விசா இல்லாமல் தங்கலாம் என்பது உங்களுக்குத் தெரியுமா? உங்கள் காதலரோடு கடற்கரை ரிசார்ட்டுகளில் காதலர் தினத்தை கொண்டாடலாம்.

விசா இல்லாத பயணத்தைப் பயன்படுத்தி மிகவும் அழகான செயின்ட் கிட்ஸ் அன்ட் நெவிஸைப் பார்வையிடலாம். இது பெரும்பாலும் சுற்றுலா பட்டியலில் இருந்து விலகி இருப்பதால், உங்களை தொந்தரவு செய்ய பார்வையாளர்கள் குறைவாக தான் இருப்பார்கள்.

நீங்கள் காடுகளில் மற்றும் இயற்கையின் மத்தியில் இருக்க விரும்பும் ஜோடியாக இருந்தால், டிரினிடாட் மற்றும் டொபாகோவிற்கு நிச்சயம் டிக்கெட் போடுங்கள்.மேலும், இங்கு 90 நாட்களுக்கு விசா இல்லாமல் தங்கலாம்.

இந்திய பாஸ்போர்ட் வைத்திருப்பவர்களுக்கு விசா இல்லாத பயணத்தை அனுமதிக்கும் மற்றொரு அழகான நாடு ஜமைக்கா. மிகவும் பிரபலமான சில ஆடம்பரமான ரிசார்டுகள், இந்த காதலர் தினத்தை சிறப்பானதாக மாற்ற காத்திருக்கிறது.

நீங்கள் கஜகஸ்தானை ஒரு வழக்கமான பயணிகளின் உல்லாசப் பயணமாக கருதாமல் இருக்கலாம். ஆனால் இது கண்டிப்பாக பார்க்க வேண்டிய இடம். மேலும், அதிகபட்சமாக 14 நாட்களுக்கு இந்தியர்களுக்கு விசா இல்லாத பயணத்தை அனுமதிப்பது சுவாரஸ்யமானது.

அழகான கரீபியன் நாடுகளில் ஒன்றான பார்படாஸ் , இந்தியர்களுக்கு விசா இல்லாத பயணத்தை வழங்குகிறது. மிதமான வெப்பநிலை கொண்ட இந்த இடத்தில் விசா இல்லாமல் தொடர்ந்து 90 நாட்கள் தங்கலாம்.

நேபாளமும் இந்தியர்களுக்கு விசா இல்லாத பயணத்தை வழங்குகிறது. உங்கள் துணையுடன் இந்த இமாலய தேசத்திற்கு நீங்கள் எளிதாக செல்லலாம், மேலும் உலகின் மிக அழகான மலை நிலப்பரப்புகளில் சிலவற்றை கண்டு ரசிக்கலாம்.