இந்த 10 நகரங்களில் அரசு போக்குவரத்து வசதிகளை பயன்படுத்துவதே மகிழ்ச்சியான பயணமாக இருக்குமாம்..!

எந்த நாட்டிற்கு , எந்த நகரத்திற்கு பயணம் மேற்கொண்டாலும் அந்த இடத்தின் அடிப்படைகளையும் அழகியலையும் பார்க்க வேண்டும் என்று ஆசைப்பட்டால், நிச்சயம் நீங்கள் அதன் பொதுப்போக்குவரத்தை தான் தேர்ந்தெடுக்க வேண்டும். அங்குள்ள உள்ளூர் மக்களுடன் பேசிக்கொண்டே பயணம் செய்ய இது ஒரு நல்ல வாய்ப்பாக இருக்கும்.

அப்படி பொது போக்குவரத்தில் செல்ல வேண்டும் என்று நினைத்ததும் நம் ஊர் அரசு பேருந்து நிலை தான் கண்முன் வரும். அய்யயோ இது மாதிரி இருந்தால் என்ன செய்வது என்ற பயம் ஏற்படும். ஆனால் உலகில் சில நகரங்கள் சிறந்த பொது போக்குவரத்து வசதிகளை வழங்குகின்றன.டைம் அவுட் என்ற உலகளாவிய நகர வழிகாட்டிகளின் வெளியீட்டாளர்  உலகெங்கிலும் உள்ள 50 க்கும் மேற்பட்ட நகரங்களில் 20,000 க்கும் மேற்பட்ட நகரவாசிகளை ஆய்வு செய்து ஒரு பட்டியலை தயாரித்து வெளியிட்டுள்ளனர். அந்த அப்பட்டியலில் டாப் 10 இடங்களை தான் இப்போது பார்க்க இருக்கிறோம்.

பெர்லினில் பொதுப் போக்குவரத்தை "மகிழ்ச்சி தரும் பயண வழி " என்று அழைக்கின்றனர். 97 சதவீத பெர்லினர்கள் தங்கள் நகரத்தின் போக்குவரத்து வலையமைப்பைப் பாராட்டிடுகின்றனர்.  குறிப்பாக  நிலத்தடி U-Bahn  போக்குவரத்து, காலை முதல் இரவு வரை மக்களை ஏற்றிச்செல்கிறது. ஒன்பது வழித்தடங்களில் உள்ள 175 நிலையங்கள் இணைக்கும் இது ஒரு பிரம்மாண்ட நெட்ஒர்க் தான்.

ஐரோப்பாவின் மிக அழகான நகரங்களில் ஒன்றான ப்ராக்  சிறந்த  பொது போக்குவரத்து அமைப்பைக் கொண்டுள்ளது. "ப்ராக் உள்ளூர்வாசிகளில் 96 சதவிகிதத்தினர் விரும்பும் இந்த நகரத்தின்  கோதிக் தேவாலயம் அல்லது  ஸ்டன்னருக்கு முன்னால் ஒரு டிராம் ஓடுவதைப் பார்க்காமல். இந்த டிராம் பயணங்கள் எல்லாம் வேற லெவெலில் இருக்கும்.  அதோடு மெட்ரோ நகரத்தின் ஒவ்வொரு பகுதியையும் உள்ளடக்கிய மூன்று லைன்களைக் கொண்டுள்ளது.

மெட்ரோ ரயில்கள் அதிகம் தயாரிக்கும் ஜப்பான் நாட்டின் டொக்யாவில் மெட்ரோ ரயில்களை பற்றி சொல்லவா வேண்டும். டோக்கியோவின் பொதுப் போக்குவரத்து அற்புதமாகப் பராமரிக்கப்பட்டு, ஜப்பானியர் அல்லாதவர்கள் கூட எளிதாக பயன்படுத்தும்படி உள்ளது. அத்துடன் உள்ளூர்வாசிகளில் , 94 சதவீதம் பேர் இதை விரும்புகின்றனர்.

டேனிஷ் தலைநகர் கோபன்ஹேகனில் உள்ள பொதுப் போக்குவரத்து என்பது இரயில்கள், பேருந்துகள் மற்றும் வாட்டர்பஸ்கள் ஆகிய அனைத்தையும் கொண்டது. ஒரு டிக்கெட் மூலம் அனைத்திலும் நீங்கள் பயணம் செய்யலாம். 93 சதவீத உள்ளூர்வாசிகள் சுற்றி வருவது இதில்தான்

ஸ்காண்டி வடிவமைப்பு கொண்ட ஸ்டாக்ஹோமின் மெட்ரோ உலகின் மிக நீளமான கலைக்கூடம் என்றே அழைக்கப்படுகிறது. ஸ்டாக்ஹோம் டன்னல்பனாவில் உள்ள பெரும்பாலான நிலையங்கள் மொசைக்ஸ் முதல் ஓவியங்கள் வரை அனைத்து வகையான கருப்பொருள்களையும் உள்ளடக்கிய படைப்பாற்றலுடன் மிளிர்கின்றன. ஸ்டாக்ஹோமில் உள்ள பொதுப் போக்குவரத்தில் டிராம்கள், பேருந்துகள் மற்றும் படகுகள் ஆகியவை அடங்கும், மேலும் 93 சதவீத உள்ளூர் மக்களைக் கவர்ந்துள்ளது.

அடுத்தது சிங்கப்பூரின் 92% மக்கள் விரும்பும் பொது போக்குவரத்தை பொறுத்தவரை, MyTransport.SG செயலியானது சிங்கப்பூர் டூரிஸ்ட் பாஸ் பணம் செலுத்துவதைக் கவனித்துக்கொள்கிறது. மேலும் சிங்கப்பூரில் உள்ள அனைத்து முக்கிய இடங்களும் ஒரு நிலையத்திலிருந்து சிறிது தூரம் செல்லலாம்.

ஹாங்காங் நெட்வொர்க் மிகவும் விரிவானது, குறைந்த பட்சம், 75 சதவீத மக்கள் ஒவ்வொரு  மெட்ரோ நிலையத்திலிருந்தும் ஒரு கிலோமீட்டருக்குள் வாழ்கிறார்கள். அதனால் இந்த மெட்ரோ நிலையங்களை  15 நிமிடங்களுக்கும் குறைவான நடைபயணத்தில் அடைய முடிகிறது.

தைவானின் தலைநகரான தைபே, உலகின் அதிக மக்கள்  வாழக்கூடிய நகரங்களில் ஒன்றாகும், மேலும் அதன் அற்புதமான பொது போக்குவரத்து அமைப்பும் அதற்கு ஒரு முக்கிய காரணமாகும். தைபே மெட்ரோ  உலகின் பரபரப்பான லைட்-ரயில் அமைப்புகளில் ஒன்றாகும். ஆனால் செயல்பாட்டில் ஒரு துளி செயல்திறன் சமரசம் இல்லை. தைபே ஆசியாவின் மிக எளிதாக பயணிக்கக்கூடிய நகரங்களில் ஒன்றாக உள்ளது.

ஸ்டேஷன்களின் எண்ணிக்கையில் நியூயார்க்கிற்கு அடுத்தபடியாக, ஷாங்காயின் மெட்ரோ தான் உலகின் மிகப்பெரியது.அது கடக்கும் தூரத்தைப் பற்றி நீங்கள் பேசினால். உண்மையில் ஷாங்காயில் உள்ள சுரங்கப்பாதை அமைப்பு நியூயோர்க் மாதிரியே இருக்கும். ஆனால், சிறப்பு என்னவென்றால், சீனாவின் அதிக மக்கள்தொகை கொண்ட நகரம் அதன் ரயில்களை எப்போதும் சரியான நேரத்தில் இயக்குகிறது.

இந்நிலையில் இந்த பட்டியலில்  மும்பை 19 வது இடத்தைப் பிடித்தது. 81 சதவீத உள்ளூர்வாசிகள் பொதுப் போக்குவரத்து மூலம் மும்பையைக் கடப்பது எளிது என்று தெரிவித்துள்ளனர். அதிக வசதிகள் இல்லாவிட்டாலும் மக்கள் நகரத்தை குறுக்கும் நெடுக்கும் கடக்க இதை தான் பயன்படுத்துகின்றனர்.